Azərbaycan Respublikasının Prezidenti yanında Gənclər Fondunun maliyyə dəstəyilə Azərbaycan Maarifçi Gənclər Təşkilatı “Gənclərin ictimai davranış qaydalarının təbliğində rolu” layihəsini reallaşdırır. ARAZ FM-də “Gənclərin ictimai davranış qaydalarının təbliğində rolu” na həsr olunan müzakirələr maraqlı qonaqlarla aparılır. Proqramın ilk qonaqları Azərbaycan Gənclər Fondunun Strateji planlaşdırma və beynəlxalq əlaqələr sektorunun müdiri Orxan Ərəbov və “Addim” Gənclər Təşkilatının rəhbəri Hüseyn Cavadzadə ictimai davranış qaydalarına dair onları narahat edən maqamlara toxundular. Xüsusi olaraq vurgulandi ki, bu gün gənclərimizin bu sahədə maariflənməsinə böyük ehtiyac var. Onlarla yol qəzalarına səbəb olan düzgün yerdən keçməmələri, böyük mənfi fəsadlara yol açan ictimai yerlərdə özlərini aparmaq davranışları barədə geniş miqyaslı iş aparılmalıdır. Qeyd edək ki, layihənin həyata keçirilməsində məqsəd ictimai davranış qaydalarının təbliğ olunması və bu qaydalara əməl olunmasına gəncləri təşviq etməkdir.
