[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/DSC_0259.jpg” ]
Azərbaycan Gənclər Fondunun maliyyə dəstəyi və “Gənclər İnkişaf Naminə” İctimai Birliyinin təşkilatçılığı ilə “Təhsil və bacarıqların inkişafı üzrə gənclər mərkəzi: fəal gənclər və effektiv bələdiyyə xidmətləri ” layihəsi çərçivəsində 2 iyun 2013-cü il tarixində Bərdə şəhərində “İcraetmə və Planlaşdırma zamanı effektiv komandanın qurulması” mövzusunda təlim təşkil edilmişdir. Təlimdə Bərdə şəhərində fəaliyyət göstərən gənclər təşkilatlarının nümayəndələri və şəhərətrafı kəndlərdən fəal gənclər iştirak etmişlər. Treninqdə çıxış edən layihə əlaqələndiricisi Soltan Hacıyev layihənin mahiyyəti haqqında iştirakçılara məlumat vermişdir.
Bir günlük təlimdə “Böyük Səda” Regional Əsaslı İnkişaf İctimai Birliyinin təlimçisi Elşən Hüseynov təlim iştirakçılarına icraetmə və planlaşdırma anlayışı, effektiv komandanın qurulması, kampaniyalarda istifadə olunacaq strategiya və taktikanın müəyyən edilməsi mövzusunda interaktiv metodla təlim keçmişdir. Təlimdə gənclər qrup işləri vasitəsilə advokasi ilə bağlı praktiki bacarıqlar mənimsəmişlər. Təlimin sonunda ümumi qiymətləndirmə aparılmış və təlimin təşkilatçıları ilə gələcək planlar müəyyənləşdirilmişdir.
