[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/12652.jpg” ]

Azərbaycan Respublikasının Prezidenti yanında Gənclər Fondunun, Gəncə Şəhər İcra Hakimiyyətinin dəstəyi, “Odlar Yurdu” Gənclər İctimai Birliyinin təşkilatçılığı ilə “Turizmin inkişafında gənclərin rolu” layihəsi çərçivəsində “Turizmin inkişafı və gənclər” adlı 1-ci Forum keçiriləcək.

17-20 iyun 2013-cü il tarixlərində Gəncə şəhərində baş tutacaq forumun əsas məqsədi ölkənin turizm potensialından istifadə imkanlarının öyrənilməsi, regionların sosial-iqtisadi inkişafında turizm sektoru vasitəsilə gənclərin rolunu artırmaq, bu sahədə yeni kadrların formalaşmasına şərait yaratmaqdır. Forumda 100 nəfər gəncin iştirakı nəzərdə tutulur.

Layihə çərçivəsində gənclər turizm sahəsində məlumatlanaraq turizm şirkətlərində təcrübə proqramlarına cəlb olunacaq, peşəkar kadrların təcrübəsindən, məsləhətlərindən yararlanaraq onlar üçün təşkil olunan panellərdə iştirak edəcəklər. Nəticədə gələcək fəaliyyətlərində turizmçiliklə məşğul olacaq gənclər şəbəkəsi qurulacaqdır.

Forumun informasiya dəstəyi Ganjanews.az saytıdır.