[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/11/unnamed-46.jpg” ]

31 oktyabr 2014-cü il tarixində  fərdi şəxs qismində Nərgiz Vəliyeva Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən iki  aylıq “Ictimai davranış qaydalarının təbliğinə məktəbdən başlayaq!” layihəsi çərçivəsində ilk təlimini həyata keçirilib.
Layihə çərçivəsində ilk təlim Qaradağ rayonu, Müşfiqabad qəsəbəsi, Xocavənd rayon Nərimanlı tam orta məktəbində həyata keçirildi.
Tədbirin açılışında giriş nitqi edərək  layihənin rəhbəri Nərgiz Vəliyeva vurğuladı ki, uzun müddət sovet ideologiyası ilə yaşadıqdan sonra müstəqillik  qazanan zamandan bəri milli dəyərlərimizin  düzgün, effektiv şəkildə aşılanmaması, keçid dövrünü yaşamağımız,  1 milyona yaxın  qaçqın və məcburi köçkün problemi ictimai davranış qaydalarında pozuntulara gətirib çıxardıb. Həmçinin  Bakı və ətrafının urbanizasiyalaşması prosesi, kənd  və rayon yerlərindən işsiz qalan əhalinin şəhərə iş dalınca üz tutması,  kənd və şəhər  ictimai davranış qaydalarının, dəyərlərinin  bir-birinə çulğaşması prosesi daha da mürəkkəbləşdirdi. Lakin getdikcə güclənən dövlətimiz və iqtisadiyyatımız fonunda Azərbaycanın Qərbə  inteqrasiyası  zamanında, bir dövlət kimi güclənməsi, dünya birliyinin, beynəlxalq ictimaiyyətin bir üzvü olması onun mədəni dəyərlərinin təcəssümünü tələb edir. Bu baxımdan layihənin əsas məqsədi  gələcəkdə gənc mədəni, sivil nəsil formalaşdırılmasına nail olmaqdır.
Layihənin təlimçisi Aytən Qurbanova  ilk təlim çərçivəsində Qaradağ rayonu, Müşfiqabad qəsəbəsi, Xocavənd rayon Nərimanlı tam orta məktəbinin  yuxarı sinif şagirdlərinə  ictimai nəqliyyatda davranış qaydaları, cəmiyyətdə salamlaşma, tanışlıq, xahiş, üzr istəmə kimi davranış və etiket qaydaları haqqında, həmçinin süfrə mədəniyyəti, kafe, restoran, parkda, xidmət və iaşə obyektlərdə davranış qaydaları  ilə bağlı şagirdlərə geniş məlumat verib və qarşılıqlı müzakirələr aparıb. Təlim çərçivəsində şagirdlərə layihə çərçivəsində çap olunan “İctimai davranış qaydalarının təbliğinə məktəbdən başlayaq” kitabı hədiyyə edilib. Kitabda yuxarıda qeyd olunan və əlavə mövzular geniş işıqlandırılıb.
Məktəb rəhbərliyi və Təhsil şöbəsinin nümayəndələri layihənin vacibliyini dönə-dönə vurğulamış  və layihənin davamlılığının, daha geniş coğrafiya əhatə etməsinin zərurətini vurğulayıblar.

[postgallery_grid content=”image” columns=”4″ lightbox=”yes” attached_id=”19721″ id=”19721″ imageeffect=”reflection” imgheight=”154″ imgwidth=”240″ width=”980″ /]