[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/10/04102013056.jpg” ]
Azərbaycan Respublikasının Prezidenti yanında Gənclər Fondunun “C” kateqoriyası üzrə müsabiqənin qalibi, Şəki şəhər sakini (fiziki şəxs) Nağıyeva Aynur Fondun maliyyə dəstəyi ilə “Gənclər və kitab: Gənc kitabsevərlər klubunun təşkili” layihəsi çərçivəsində 4 oktyabr 2013-cü il tarixində Şəki şəhərində yerləşən Nakam adına Mərkəzi Kitabxanada kitaba marağı olan gənclərlə növbəti görüş-tədbirini keçirmişdir.
Əvvəlcə, təlimi layihənin moderatoru M.Nağıyev açaraq, təlim iştirakçılarına layihə haqqında geniş məlumat verib. Daha sonra layihənin rəhbəri Azərbaycan Respublikasının Prezidenti yanında Gənclər Fondunun rəhbərliyinə, Şəki şəhəri Nakam adına Mərkəzi Kitabxananın rəhbərliyinə layihənin həyata keçirilməsində maddi və mənəvi dəstək verdikləri üçün və görüşə dəvət olunmuş filoloq Salehova Bahar xanıma, “Qanun” Nəşriyyatının səlahiyyətli nümayəndəsi Tərlan Türksoya, şair Şahid müəllimə bu tədbirdə iştirak etdikləri üçün öz minnətdarlığını bildirmiş və görüşü açıq elan etmişdir.
Sonra ekspertlər iştirakçıların çoxsaylı suallarını cavablandırmış və onların klub haqqındakı təkliflərini dəyərləndirmişlər.
Nahar fasiləsindən sonra iştirakçılar “Balans” İqtisadi Maarifləndirmə İctimai Birliyinin konfrans zalında bir araya gəlmişlər. Layihə rəhbəri A. Nağıyeva “Gənc kitabsevərlər klubu”-na üzvlük məsələsinə aydınlıq gətirmişdir.
