[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/09/IMG_01541.jpg” ]

Gənc Vətənpərvərlər Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Vətən bizim and yerimiz-Yeniyetmə və gənclərin vətənpərvərlik ruhunda tərbiyə olunması” adlı layihəyə start verib. GVB layihənin icrasının başlanması ilə bağlı BMM-də birliyin növbədən kənar İdarə Heyətinin iclasını keçirib.

İclasda GVB-nin İdarə Heyəti, birliyin yerli təşkilatlarının təmsilçiləri və fəxri üzvləri iştirak edirdilər. İclası giriş sözü ilə açan İdarə Heyətinin üzvü M.Seyidov gündəlikdə duran məsələləri tədbir iştirakçılarının nəzərinə çatdırmış və sözü layihənin rəhbəri M.Əliyevə vermişdir. M.Əliyev qeyd etmişdir ki, layihə 3 ay müddətində icra olunacaqdır. Layihənin 1-ci mərhələsində gənclərin vətənpərvərlik ruhunda tərbiyə olunması, gənclərin fiziki, psixoloji, fizioloji, ideoloji və mənəvi sağlamlığının artırılması, gənclər arasında sağlam həyat tərzi ilə bağlı təbliğat işinin gücləndirilməsi haqqında seminarlar, elmi-praktik konfranslar, təlimlər, görüşlər, dəyirmi masalar, diskussiyalar və müxtəlif idman yarışlarının həyata keçirilməsi planlaşdırılır.

Layihə çərçivəsində rəngli bukletlər Bakı şəhəri və ətraf rayonlarda birliyin regional şöbələrinin əməkdaşları, layihədə iştirak edən könüllülər tərəfindən ümumtəhsil məktəblərində, idman cəmiyyətlərində və ictimai yerlərdə paylanacaq.