[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/08/DSC_0210.jpg” ]
Azərbaycanda ilk dəfə “Qum Heykəltəraşlığı və Qraffiti üzrə açıq Festival” keçirilib. Festivalın açılış mərasimi 29 iyul 2013-cü il tarixində “Dostluq” çimərliyində baş tutub. Azərbaycan Gənclər Fondunun maliyyə dəstəyi ilə keçirilən layihənin məqsədi Azərbaycan incəsənətinin, heykəltəraşlığının və yenicə başlanan qraffiti sənətinin inkişafına təkan vermək, gənc istedadlı rəssamların və heykəltəraşların üzə çıxarılması və onların tanıtımına təkan verərək digər tanınmış rəssam və yaradıcı insanlarla, o cümlədən professional heykəltəraş və rəssamlar ilə əlaqələrinin yaradılması və möhkəmlənməsidir.
Layihə 3 gün müddətinədə Bakı şəhərində, “Dostluq” çimərliyində həyata keçirilib. Festivalda 3 gün ərzində qumdan heykəllər hazırlanıb. Eyni zamanda, festivalın ikinci hissəsi kimi qraffiti üzrə müsabiqə başlanılıb. Heykəltəraşlar və qraffitistlər 3 gün müddətində müəyyən edilmiş ərazidə müəyyən vaxt çərçivəsində işləyiblər. 3-cü, sonuncu gün isə hər iki nominasiya üzrə festival qalibləri müəyyən olunub.
Festival sona çatdıqdan sonra iştirakçılara sertifikatlar, qaliblərə mükafatlar təqdim olunub, tədbir nəticələrindən ibarət buklet və qısamaetrajlı film hazırlanıb.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”9050″ id=”9050″ imageeffect=”reflection” imgheight=”154″ imgwidth=”240″ width=”980″ /]
