[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/07/web2.jpg” ]
Cari ilin 3-4 iyul tarixlərində saat 11:00-da AR Prezidenti yanında Dövlət İdarəçilik Akademiyasında Akademiyanın Tələbə Gənclər Təşkilatının (DİA TGT), Lüksemburq və Serbiya Tələbələr Birliklərinin əməkdaşlıqları çərçivəsində, AR Prezidenti yanında Gənclər Fondunun maliyyə dəstəyi və Azərbaycan Tələbə Gənclər Təşkilatları İttifaqının (ATGTİ) təşkilati dəstəyi ilə Bakıda “Baloniya prosesi və Azərbaycan” Beynəlxalq Elmi Konfransı keçirilir.
Konfransda Litva, Serbiya, Ukrayna, Lüksemburq və Belçikadan nümayəndələr iştirak edirlər.
Beynəlxalq Elmi Konfransda baloniya prosesinin Azərbaycan təhsil sistemində möhkəmlənməsi yolu müzakirə olunacaq, onun gələcək inkişaf perspektivlərinə nəzər salınacaqdır.
Qeyd edək ki, konfrans Baloniya Təhsil Prosesinin Azərbaycan təhsil sisteminə inteqrasiyasının sürətləndirilməsini, xarici dövlətlərin bu sahədə təcrübəsini öyrənməyi və onlarla qarşılıqlı əməkdaşlığın təşkil olunmasını qarşıya məqsəd qoyub.
Nəzərinizə çatdırırıq ki, tədbirdə AR Gənclər və İdman Nazirliyi, AR Prezidenti yanında Gənclər Fondunun rəsmilərinin və millət vəkillərinin iştirakı gözlənilir.
