[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/20130623_181456.jpg” ]
Azərbaycan Demokratik Tələbə Gənclər Təşkilatının (ADTGT) Gənclər Fondunun və Gənclər və İdman Nazirliyinin maliyyə dəstəyi ilə həyata keçirdiyi “Şərq Tərəfdaşlığı Gənclər Şəbəkəsi” – Regional Platforma Modeli layihəsi çərçivəsində Azərbaycana gələn Gürcüstan, Ukrayna, Moldova, Belarus, İsveç, Almaniya, Polşa, Bolqarıstan, Litva, Latviya və Rumıniyanın böyük gənclər heyətinin və ölkəmizin fəal gənclərinin iştirakı ilə Masallıda keçirilən Beynəlxalq Forumunun ardınca eyni mövzuda təlim kursu keçirilib.
2 beynəlxalq və 1 milli təlimçi tərəfindən Şərq Tərəfdaşlığı gəncləri üçün “birgə layihə və təşəbbüslər və onun icraçılığı”, “şəbəkələşmə”, “qeyri-formal təhsil imkanları”, “fəal iştirakçılıq və fəal vətəndaşlıq” və s. mövzularda interaktiv metodlarla təlim aparılmış və iştirakçılar bilgiləndirilmişlər.
Təlimin son günü ADTGT və xarici tərəfdaş gənclər təşkilatları üçün daha əlamətdar və maraqlı olub. Belə ki, ADTGT Ukraynanın 2, Moldovanın 2 və Gürcüstanın 1 nüfuzlu gənclər təşkilatları və konfederativ gənclər qurumları ilə ikitərəfli əməkdaşlıq sazişlərinə imza atıb.
Müqavilələr ADTGT ilə Ukrayna Gənclər Palatası, Ukrayna Tələbələr Assosiasiyası, Moldova “Voivod” Gənclər Hərəkatı, “Moldova Qalxanı” Gənclər İttifaqı və Gürcüstan Gənclər Təşkilatları Milli Şurası arasında imzalanıb. Müqavilələr təşkilatların və ölkələrin gəncləri üçün təhsil, mədəniyyət, humanitar-sosial, şəbəkələşmə, fəal iştirakçılıq və digər aktual sahələrdə ikitərəfli və çoxtərəfli təşəbbüs və layihələrin həyata keçirilməsini və müxtəlif regional və beynəlxalq məsələlərdə birgə maraqlardan çıxış etməni özündə ehtiva edir. Hər bir tərəfdaş təşkilat rəhbəri müqavilənin gələcək perspektivlərini yüksək qiymətləndirmiş və bu əməkdaşlığın gənclər işinə böyük töhfələr verəcəyini vurğulamışlar.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”8054″ id=”8054″ imageeffect=”reflection” imgheight=”154″ imgwidth=”240″ width=”980″ /]
