[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/cover-photo.jpg” ]
Azərbaycan Respublikasının Prezidenti yanında Gənclər Fondunun dəstəyi ilə “Sağlam düşüncə” Gənclər Təşkilatı “Ekologiyamızı fotolarda görək və göstərək” adlı layihəsi çərçivəsində həyata keçirəcəyi “Gənc Fotoqraflar üçün yay düşərgəsi” üçün maraqlı olan gənclərin seçiminə başladı.
“Ekologiyamızı fotolarda görək və göstərək” adlı layihənin əsas məqsədi ekoloji Fotobloggerlərin formalaşdırılması və onlarla birgə iş, ekoloji problemləri və onlara dair məlumatları online şəkildə cəmiyyətə çatdırmaq, ekoloji problemlərin işıqlandırılmasında gənc fotoqrafların imkanlarından faydalanmaqdır.
Bu layihə vasitəsilə “Sağlam düşüncə” Gənclər Təşkilatı həvəskar fotoqraflar və ekologiyaya marağı olan 20 nəfər gəncin iştirakı ilə Şəki şəhərində açıq hava şəraitində düşərgə təşkil edəcək. Düşərgə ərzində iştirakçılara fotoblogging, foto jurnalistika, düzgün foto çəkiliş qaydaları, ekologiya, ekoloji çirklənmə, ictimai vəkillik haqqında təlimlər keçiləcək. Təlimlərlə yanaşı iştirakçılara fotoqrafiyaya dair öyrəndiklərini tətbiq etmək imkanı veriləcək. Düşərgədən sonra iştirakçılar özündə ekoloji problemləri göstərəcək müxtəlif şəkillər çəkib təşkilatçılara göndərəcəklər. Layihə komandası tərəfindən ən maraqlı foto şəkillər seçildikdən sonra sərgi təşkil olunacaq.
Bu layihədə iştirak etmək istəyən gənclər göstərilən linkə daxil olaraq ərizə fomasını doldura bilərlər: http://csyo-az.org/tentcamp/
Əlavə məlumat üçün:
Əzimli Nilufər
Tel: (+99455) 584 36 92
Email: [email protected]
