“Gələcək Naminə” Vətəndaş Cəmiyyətinin İnkişafına Dəstək İctimai Birliyi Azərbaycan Respublikasının Prezidenti yanında Gənclər Fondunun dəstəyilə  Samux rayonunda “Çövkən-at yarışlarının təşkili” layihəsinin icrasına start verib.
Layihənin məqsədi Samux rayonunda gənc nəsil arasında sağlam həyat tərzini təbliğ etmək və idmana marağın artırılmasıdır.
Layihənin icrasına əsasən yeniyetmə və gənclərdən ibarət qrup cəlb olunacaq. Yarışların açılış tədbiri keçiriləcək. Yarış iştirakçıları öncədən təlimatlandırılacaq və xüsusi geyimlərlə təchiz ediləcək. Bu səbəbdən də iştirakçılar arasında maarifləndirici təlimlər təşkil olunacaq.
Qeyd edək ki, “Gələcək Naminə” Vətəndaş Cəmiyyətinin İnkişafına Dəstək İctimai Birliyinin 2010-cu ildən etibarən icra etdiyi layihələrin məqsədi hər zaman gənclərin vətənpərvər, bilikli, dövlətçil olmasına, sağlam həyat tərzini seçmələrinə kömək olmaqdan ibarət olub. İctimai Birlik bu mövzuda layihəni və yarışları əvvəllər də həyata keçirib. Bu da gənclərin yarışlarda iştirak edərək idmana marağının artırılmasında, fiziki cəhətdən sağlam olmalarında öz töhfəsini verir.