4-6 dekabr, 2017

Kişinyov, Moldova Respublikası

Müraciət etmək üçün son tarix: 24.10.2017

Tədbir Avropa Komissiyasının və Rumıniya Xarici İşlər Nazirliyinin maliyyə dəstəyi və Birləşmiş Millətlər Təşkilatının İnkişaf Proqramının (UNDP) tərəfdaşlığı ilə Rumıniyanın Qeyri-hökumət İnkişaf Təşkilatları Platforması (FOND) tərəfindən təşkil edilir.
Tədbirdə iştirak üçün seçilən iştirakçılara təşkilatçılar aşağıdakı xərcləri ödəyəcək: nəqliyyat, yaşayış və yemək (nahar, qəhvə fasilələri və tədbirin ilk günündə şam yeməyi).

Qara Dəniz QHT Forumu, 10 illik yubileyini qeyd edərək, bölgədəki strateji mövqeyini və Qara dəniz regionunda davamlı regional əməkdaşlığı təmin etmək üçün imkanları necə uyğunlaşdıracağını və daha da inkişaf etdirə biləcəyini yenidən nəzərdən keçirməlidir. Bu səbəbdən, bu il yubiley forumun məqsədi aşağıdakılardır:
– Son forumların (2012 – 2016) qiymətləndirilməsinə əsaslanaraq, indiyə qədər əldə edilmiş nailiyyətlər və Forumun gələcək inkişafı barədə düşünmək;

– Mövcud regional və beynəlxalq kontekstdə gələcək regional əməkdaşlıq və sinerji üçün imkanları müəyyənləşdirməklə vətəndaş cəmiyyəti təşkilatlarının əsas problemlərinin həllini müzakirə etmək;

– Dialoq təşkil etmək və yeni iştirakçıları cəlb etməklə yeni təşəbbüsləri təşviq etmək.

Daha ətraflı məlumat almaq və müraciət formasını doldurmaq üçün aşağıdakı keçiddən istifadə edə bilərsiniz: