Azərbaycan Resublikasının Prezidenti yanında Gənclər Fondunun maliyyə dəstəyi, “Sağlam Düşüncə Gənclər Təşkilatı”, Azərbaycan Fotoqraflar Birliyi, Loqos Psixoloji və Nitq İnkişaf Mərkəzinin təşkilati dəstəyi ilə Elvin Qasımzadənin “Foto-qrafika” dueti adlı sərgi həyata keçirilib.
Layihə konsepsiyasına əsasən gənc fotoqraflar müxtəlif mövzuları əhatə edərək lentə aldıqları fotolar rəssamlara təqdim olunur. Gənc rəssamlar da məhz o fotolara uyğun olaraq öz baxış bucağı, fantaziya və dünyagörüşlərinə uyğun olaraq rəsm əsərlərini ərsəyə gətirirlər.
Sərgi izləyicilər tərəfindən böyük maraqla qarşılanıb. 3 gün davam edən layihədə 25-ə yaxın fotoqraf və rəssamən əl işləri nümayiş olunmuşdur. Sonda isə əl işləri ilə seçilən sərgi iştirakçıları setifikatlarla təltif olunmuşlar.
2005-ci ildən foto sahəsi ilə yaxından maraqlanan Elvin Qasımzadə bir sıra sərgi va yarışmaların iştirakçısı və qalibi olmuşdur. Bundan əlavə olaraq indiyə kimi bir neçə fərdi sərgisi keçirilən fotoqraf bundan sonra da foto səhasində müxtəlif və fərqli formatlı layihələr həyata keçirmək istəyində olduğunu da qeyd edib.
Qeyd edək ki, “Foto-qrafika” dueti layihə Azərbaycan Resublikasının Prezidenti yanında Gənclər Fondunun 8-ci qrant müsabiqəsinin qalibidir.