Azərbaycan Respublikasının Prezidenti Yanında Gənclər Fondunun maliyyə dəstəyi ilə “Gənclərin Elmi Araşdırmalar Mərkəzi” İctimai Birliyi tərəfindən həyata keçirilən “Mən də cəmiyyətin bir parçasıyam!” layihəsi uğurla yekunlaşdırıldı.
Layihənin əsas məqsədi yeniyetmə və gənclərin bilik və bacarıqlarının, peşə və ixtisas seçimlərinin artırılmasına kömək etməkdən ibarətdir. Birlik sözügedən layihə çərçivəsində Sabirabad rayonunda yeniyetmə və gənclərin iştirakı ilə rəsm və əl işləri sərgisi təşkil edib. Layihə müddətində fəaliyyət planına uyğun olaraq 8 sərgi təşkil edildi.
Sonda milli musiqimizi, adət-ənənələrimizi, milli dəyərlərimizi yeniyetmə və gənclər arasında təbliğ etmək məqsədi ilə l Sabirabad rayon Üzeyir Hacıbəyov adına Uşaq Musiqi məktəbində simli, nəfəs və zərb musiqi alətlərinin ifasında konsert proqramı təşkil edildi.