Azəbaycan Respublikasının Prezidenti yanında Gənclər Fondunun elan etdiyi 8-ci qrant müsabiqəsində qalib olmuş fərdi şəxs Lalə Vəlizadənin “Gənclər Marketinqdə” gənclərin marketinq sahəsi üzrə bilik və bacarıqlarının artırılması seminarları layihəsinin açılışı və ilk tədbiri Sumqayıt şəhərində keçirilmişdir. Seminarda iştirak edən 30-dan çox gənc marketinqin təməl prinsipləri , iqtisadi bazarda paya sahib olmaq , firmalar və şirkətlər arasında marketinq rəqabəti , rəqib şirkətlərin bazardakı strategiyasının analizi , məhsulun satışı, PR startegiyası və s. marketoloji məlumatlar ilə maarifləndirilmişdirlər. Layihədə marketinq sahəsi üzrə təhsil alan və bu sahə ilə maraqlanan gənclər iştirak etmiş və marketinq ilə bağlı kifayyət qədər öyrədici məlumatlar almışlar. Sumqayıt gəncləri belə
bir layihənin keçirilməsin təqdirə layiq bir hal kimi qeyd etdilər.
Sonda isə iştirakçılar sertifikatlar ilə mükafatlandırılmışdırlar.Layihənin 2-ci günü isə Bakı şəhərində keçirilmişdir. Seminarda 40-dan çox gənc iştirak etmişdir. Birinci seminar günündə olduğu kimi burda da gənclər yuxarıda sadaladığımız marketinq terminləri ilə tanış olub onların analizin aparmışlar. Gənclər seminar ərzində interaktif iştirak etmiş və aldıqları məlumatları birgə müzakirə etmişdirlər. Seminar iştirakçıları sonda sertifkatlar ilə təltif olunmuşlar. Həm Sumqayıtda həm də Bakıda keçirilən seminarlardan gənclər məmnunluq hisslərin bildirmiş, gələcəkdə belə öyrədici və məlumatlandırıcı layihələrin bir daha
keçirilməsini istəmişlər.