Azərbaycan Respublikasının Prezidenti yanında Gənclər Fondunun elan etdiyi VIII qrant müsabiqəsinin C kateqoriyası üzrə Nəsibli Nərmin Müşviq qızının Fondun maliyyə dəstəyi ilə Bakı şəhəri Xəzər rayonunda həyata keçirdiyi “Ekologiyanı Qoru – Sağlam Həyat Tərzi Yaşa!” layihəsi uğurla davam edir.
Layihə 3 ay müddətində Bakı şəhəri Xəzər rayonunda yaşayan və təhsil alan gənclər arasında keçirilir.Layihənin əsas məqsədi ekologiyanın qorunmasında gənclərin və yeniyetmələrin rolunun artırılmasından ibarətdir.
Layihədə gənclər arasında ekologiyanın qorunması, eləcə də ekoloji maarifləndirmənin təbliği üçün təlimlərin keçirilməsi nəzərdə tutulmuşdur. Təlimlər “Ekologiyaya və ətraf mühitə fərdi yanaşma prinsipləri”, “Gənclərdə ekoloji mədəniyyətin formalaşdırılması”, “Təbiətdən səmərəli istifadə olunması vərdişlərinin aşılanması”, “Ətraf muhit, qlobal iqlim dəyişikliyi və buna səbəb olan amillər”, “Təbii sərvətlərimiz və onlardan səmərəli istifadə yolları” və sair kimi mövzular ətrafında aparılır.
“Ekologiyanı Qoru- Sağlam Həyat Tərzi Yaşa!” layihəsində iştirak edən fəal gənclərin gələcəkdə keçirilən layihələrə yenidən cəlb olunmaları da nəzərdə tutulur.
