29.07.2016-cı il tarixində Gəncə şəhərində Azərbaycan Tələbə Gənclər Təşkilatları İttifaqının təşkilati və Azərbaycan Respublikasının Prezidenti yanında Gənclər Fondunun maliyyə dəstəyi ilə “Tələbə gənclər təşkilatlarının I regional forumu” keçiriləcək. Layihə gənclər təşkilatlarının ilk regional forumu olub, gəncləri bir araya toplayacaq. Forumda son dövrdə gənclər təşkilatlarının fəaliyyəti və gənclər siyasəti ilə bağlı gedən proseslər müzakirə ediləcək: Gənclər siyasətinin genişləndirilməsi və gənclərimizin sosial və təhsil həyatlarında aktiv olmaqlarını təmin edən təkliflər səslənəcək. Forum iştirakçılarının ümumi rəyi əsasında təkliflər paketi hazırlanacaqdır.