“İrəli” İctimai Birliyi və “Regional İnkişaf “İctimai Birliyi təşkilatçılığı, Azərbaycan Respublikasının Prezidenti yanında Gənclər Fondunun maliyyə dəstəyi ilə 2016-cı il Avropanın Paytaxtı Gəncədə “Region Gənclərinin Əməkdaşlığı Forumu” layihəsi yekunlaşdı.
Layihənin növbəti günlərində Regional İnkişaf İctimai Birliyi nümayəndələri gənclərə təşkilatın gördüyü işlər haqqında ətraflı məlumat vermişdir. Gənclərlə birgə müzakirələ həyata keçirilmiş və iştirakçıların sualları əməkdaşlar tərəfindən cavablandırılmışdır.
Gəncə şəhər Gənclər evində keçirilən təqdimatdan sonra iştirakçılara müxtəlif mövzularda təlimlər keçirilmişdir.
Gənclərin praktik bilgilərinin artırılması məqsədilə keçirilən təlimlərdə Eldəniz Əsədov, Niyazi Qasımov və Nigar Ələsgərova təcrübə və biliklərini iştirakçılarla bölüşdülər.
Sonda isə gənclərlə birgə əməkdaşlıq mövzusunda müzakirələr həyata keçirildi. Gənclər öz ideyalarını, istəklərini bildirərək, bu ideyaların həyata keçirilməsi üçün müəyyən məsləhətlər, biliklər əldə etmiş oldular.
Layihənin əsas məqsədi “Gəncə-2016-cı il Avropa Gənclər Paytaxtı” layihəsinə dəstək olmaq, “Azərbaycan gəncliyi 2011-2015-ci illərdə” Dövlət Proqramı çərçivəsində istifadəyə verilən “Gənclər Ev”ləri və “Gənclər Mərkəz”ləri yerləşən regionlarda, bölgələrdə gənclərin şəxsi inkişafına təkan vermək üçün birgə fəaliyyətlərini stimullaşdırmaqdan ibarətdir.