Azərbaycan Respublikasının Prezidenti yanında Gənclər Fondunun maliyyə dəstəyiilə “Bizim Nəsil” Gənclərin Regional İnkişaf Assosiasiyası İctimai Birliyi tərəfindən “İrəvan – bizimqala. 3- cü mərhələ” adlı layihənin icrasına start verilmişdir. Artıq hazırlıq mərhələsi başa çatmaq üzrədir.
7-8iyun 2016-cı il tarixlərində Ağdaş rayonunda, 9-10 iyun 2016-cı il tarixlərində Goranboy rayonunda və 13-14 iyun 2016-cı il tarixlərində Samux rayonunda həyata keçiriləcək layihənin məqsədi yeniyetmə və gənclərin Azərbaycan tarixi, tarixi torpaqlarımız olan Qərbi Azərbaycan-İrəvan haqqında məlumatlılığının artırılması, yalan erməni təbliğatına qarşı gənc nəsil tərəfindən töhvə verilməsi, tarixi həqiqətlərin internet məkanında tanıdılmasına xidmət etmək, gənc nəslin vətənpərvərlik tərbiyyəsinin gücləndirilməsidir.
Layihə çərçivəsində aşağıdakı mövzulara toxunulacaq:

– İrəvan – qədim Azərbaycan torpağı
– İrəvan – tarixi faktlar
– İrəvanın tarixi memarlıq abidələri
– İrəvan əhalisi
– Azərbaycanlılara qarşı etnik təmizləmə siyasəti
Layihə çərçivəsində görüntülü məhsullar nümayiş olunacaq, iştirakçılara müxtəlif çap məhsulları payalanacaq.