Azərbaycan Respublikasının Prezidenti yanında Gənclər Fondunun maliyyə dəstəyi, Azərbaycan Republikasının Müdafiə Nazirliyinin tərəfdaşlığı, Uşaq və Yeniyetmələrin Dəstək İctimai Birliyi və Bakı Slavyan Universitetinin birgə təşkilatçılığı ilə “Sağlam ordu, yaradıcı gənclər naminə” layihəsinin açılış mərasimi keçirilmişdir. Layihədə Binəqədi rayonu məktəblilərinin “Siqaretə yox” başlığı altında çəkdiyi rəsmlərin Universitet və hərbi hissələrdə sərgilənməsi nəzərdə tutulur. Bakı Slavyan Universitetində baş tutan açılış mərasimində Universitetin təlim-tərbiyə işləri üzrə prorektoru dos.Aygül Hacıyeva, Uşaq və Yeniyetmələrə Dəstk İctimai birliyinin Sədri Fərhad Abdulov, Bakı Dövlət Universitetinin dosenti, psixoloq Könül Cəfərova iştirak etmiş, gənclərə sağlam fiziki və mənəvi insan,vətənpərvər vətəndaş yetişmək üçün öz tövsiyələrini vermişlər. Tədbirin sonunda vətənpərvərliklə bağlı qısa metrajlı film nümayiş olunmuşdur.