Sumqayıtda “Ümummilli lider Heydər Əliyev irsi və gənclik” layihəsi çərçivəsində tədbirlər davam etdirilir. Layihə Azərbaycan Respublikasının Prezidenti yanında Gənclər Fondunun dəstəyi ilə Gənc İstedadlara Dəstək Fondu tərəfindən həyata keçirilir.
Növbəti belə tədbir şəhərin qabaqcıl təhsil müəssisələrindən biri sayılan Təbiət Elmləri təmayüllü Gimnaziyada keçirilib.
Layihə rəhbəri, Gənc İstedadlara Dəstək Fondunun prezidenti Vüsal Məmmədovun verdiyi məlumata görə layihə çərçivəsində şəhərin bir sıra məktəblərində Ümummilli lider Heydər Əliyevin həyatından, həyat yoldaşı Zərifə xanıma dönməz sevgisindən bəhs edən “Əsl məhəbbət haqqında” film nümayiş etdirilib və filmin mahiyyəti şagirdlərlə müzakirə edilib.
Qeyd edək ki, layihə çərçivəsində Ulu öndər Heydər Əliyev irsi şəhərin bir sıra təşkilat və müəssisələrində disput və seminarlarda təhlil edilərək, gənc nəsilə çatdırılacaq, eyni zamanda dahi liderin Sumqayıta səfərlərinin fotolarını, bu səfərlərin anatasiyasını özündə əks etdirən albom çap ediləcək.
