Azərbaycan Respublikasının Prezidenti yanında Gənclər Fondunun elan etdiyi 7-ci qrant müsabiqəsinin qalibi fiziki şəxs Vəfa Cəfərova tərəfindən  18.02.2016-cı il tarixində Sumqayıt şəhəri 12 N-li məktəbdə “Peşə məktəblərinə təşviqat” layihəsi çərçivəsində ilk tədbir keçirilib. Məktəbin 8, 9-cu sinif şagirdləri  üçün maarifləndirmə məqsədilə həyata keçirilən tədbirdə məktəbin direktoru Mətanət Abdullayeva, 1 N-li peşə məktəbinin direktoru Hafiz Rzayev, 3 N-li peşə məktəbinin direktor müavini Xuraman Zeynalova, Azərbaycan Respublikası İqtisadiyyat Nazirliyi İqtisadi İslahatlar Elmi Tədqiqat İnstitutunun şöbə müdiri i.f.d Fərhad Mikayılov və Azərbaycan Gənclər Fondunun nümayəndəsi Jalə Məmmədova iştirak edib.
Tədbirdə şagirdlərə ixtisas seçimində peşə məktəblərinin önəmi vurğulanmış, peşə məktəblərinin fəaliyyətini əks etdirən əyani vəsaitlər nümayiş olunub. Layihə rəhbəri tərəfindən hazırlanan maarifləndirici bukletlər şagirdlərə paylanılıb.