16-17 yanvar tarixində Xızı rayonun uşaq və yeniyetmələrin yaradıcılıq mərkəzində Azərbaycan Respublikasının Prezidenti yanında Gənclər Fondunun maliyyə dəstəyi ilə “Region gənclərinin innovativ ideyaları” layihəsinin açılış mərasimi təşkil olunub. Tədbirdə rayon təhsil şöbəsinin və Xızı rayon uşaq və yeniyetmələrin yaradıcılıq mərkəzinin rəhbərliyi iştirak edib.
Layihənin rəhbəri Cəfər Növruzov İnnovativ gənclər layihəsinin əsas məqsədi olan innovativ ideyaları olan gənclərin uğurlu biznes  sahəsinə çevrilməsinə yardım etməyin yolları barədə çıxış edib.
Xızı rayon uşaq və  yeniyetmələrin yaradıcılıq mərkəzinin direktoru İman Ağayev çıxış edərək layihənin rayon üçün əhəmiyyətindən danışıb və Azərbaycan Respublikasının Prezidenti yanında Gənclər Fonduna öz minnətdarlığını bildirib.