Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən “MediaMən – jurnalistika üzrə ustad təlimlərin təşkili layihəsi” çərçivəsində təlimlər keçirilib. Bakı şəhərində keçirilən təlimlərə jurnalistikaya həvəsi olan 20-dən çox gənc qatılıb, təlimlərdə jurnalistkaya dair bilik və bacarıqlar öyrədilib.
Layihənin əsas məqsədi gənclər və KİV sahəsində çalışan gənc media nümayəndələri üçün peşəkar media təlimləri və ustad dərslərin təşkil etməkdir. Həmçinin, bu təlimlər vasitəsi ilə proqressiv və intellektual düşünən gənc jurnalistlərin yetişməsi işinə töhfə vermək, eləcə də
Azərbaycan mediasına yeni düşüncəyə malik jurnalistləri bəxş etmək idi.
Üç ay davam edən layihə boyunca iştirakçılar tanınmış jurnalistlərin təlimlərində iştirakı təmin edilən və peşəkar media qurumlarına turlar təşkil edilən, eləcə də layihə iştirakçıları təlimlərdə qazanmış olduqları bilik və bacarıqları www.mediaman.az  saytı vasitəsi ilə tətbiq etmək imkanı qazanıblar.
“MediaMən – jurnalistika üzrə ustad təlimlərin təşkili” layihəsi fərdi gəncin layihəsi olub və Azərbaycan Respublikasının Prezidenti yanında Gənclər Fondunun 7-ci qrant müsabiqəsində qalib olub. Layihənin uğurlu icra olunmasında Azərbaycan Jurnalistlər Şəbəkəsi İB və
Gənclər üçün Təhsil Mərkəzi İB təşkilati dəstək nümayiş etdirilib.