Bərdə rayonunda salınmış 866 ailəlik Yeni Qaçqın qəsəbəsində “Qaçqın düşmüş musiqi” layihəsi həyata keçirilir. Azərbaycan Respublikasının Prezidenti yanında Gənclər Fondunun dəstəyi ilə həyata keçirilən layihədə qəsəbədə yaşayan 20 nəfər musiqi istedadı olan gənc iştirak edəcək.
Layihə müddətində qəsəbə sakinlərindən seçilmiş 20 gəncdən musiqi müəllimlərinin, konsertmeysterlərin köməkliyi ilə ansambl hazırlanır. Layihənin sonunda ansambl uşaqlarının və eləcə də qəsəbədə yaşayan digər istedadlı uşaqların iştirakı ilə musiqi festivalı təşkil olunacaq.  Nəzərə alsaq ki  qaçqın qəsəbəsində Qarabağın dilbər güşələrindən, Ağdamdan, Şuşadan, Xocalıdan və s. yerlərdən qaçqınlar yaşayır, bu öz növbəsində həmin qəsəbəni musiqi beşiyinə çevirir. Burada yüksək səviyyədə misiqi istedadına malik onlarla uşaq və gənc yaşayır. Layihənin əsas məqsədi həmin gəncləri tapıb, onlara öz istedadlarını nümayiş etdirməyə imkan yaratmaq və eləcə də həmin gəncləri ictimaiətə təqdim etməkdir.