Azərbaycan Respublikasının Prezidenti yanında Gənclər Fondunun dəstəyi ilə “Dövlətimin gələcəyi sənə, sənin gələcəyin seçiminə bağlıdır” layihəsi çərçivəsində treyninq keçirilmiş və sözügedən treyninqdə “Necə ixtisaslı kadr olmaq olar? ”, “İxtisas seçimi üçün istifadəsi lazım olan analizlər”, “İstəklərimiz yoxsa bacarıqlarımız?”, “Uğurlu karyeraya gedən yol nələrdən keçir?”, “Zamanın tələbi olan ixtisaslar”, “ Düzgün seçim etməmənin mənfi nəticələri” və s. başlıqlı mövzulara toxunulmuşdur.
Treyninqdə 30 nəfər abituriyent və məktəbli iştirak etmiş, istedadlı təlimçilər Aygün Əliyeva və Ramtiq Alızadə isə çıxış etmişdir.
Təlimçilərimiz ixtisas seçimi zamanı abituriyentlər üçün hansı kriteriyaları bilməyin faydalı olacağı, bir çox görkəmli şəxsiyyətlərin qazandığı nəticələrin onların etdiyi düzgün seçimdən asılı olması, parlaq gələcək ,uğurlu karyera və doğru ixtisasa yönəlməkdə istək və bacarıqların düzgün istiqamətləndirilməsinin əhəmiyyəti barədə nəzəriyyə və təcrübəyə əsaslanaraq gənclərə geniş məlumat vermişdir. Təlim maraqlı, əyləncəli oyunlar və müzakirələrlə yadda qalmışdır.
Təlim müddətində gəncləri maraqlandıran suallar cavablandırılmış, treyninq iştirakçılarına tədbir ilə bağlı müxtəlif bukletlər və hədiyyələr paylanmışdır. Təlimin sonunda iştirakçılara sertifikatlar verilmişdir.
