17 dekabr tarixində Park İnn otelinin konfrans zalında Azərbaycan Respublikasının Prezidenti yanında Gənclər Fondunun maliyyə və Azərbaycan Tələbə Gənclər Təşkilatları İttifaqın təşkilatçılığı ilə “Hacı Zeynalabdin Şirvani ilə Azərbaycan coğrafiyası olimpiadası” layihəsinin final mərhələsi baş tutmuşdur. Layihənin məqsədi tələbələr arasında Azərbaycan coğrafiyasına olan marağın artırılması, coğrafiya sahəsi üzrə yeni biliklərin əldə olunmasından ibarətdir.
Yarım finalda 9 Ali təhsil müəsissədən ən yaxşı nəticə göstərən tələbələr arasında hər təhsil müəsissəsindən 2 komanda formalaşıb və onlar öz universitetlərini finalda təmsil ediblər. Olimpiadanın bütün iştirakçılarına sertifikatlar və hədiyyələr verilib. Birinci, ikinci və üçüncü yerlərin sahiblərinə isə, hədiyyələrlə yanaşı, fəxri qonaqlar tərəfindən medal və kuboklar ilə təltif olunublar.
1-ci yer: Azərbaycan Respublikasının Prezidenti yanında Dövlət İdarəçilik Akademiyasının “STORM” komandası.
2-ci yer: Azərbaycan Respublikasının Prezidenti yanında Dövlət İdarəçilik Akademiyasının “TORNADO” komandası.
3-cü yer: Azərbaycan Dövlət İqtisad Universitetinin “UNEC” komandası.