2015-ci il Azərbaycan ədəbiyyatında özünəməxsus yer tutan bir sıra yazar və şairlərin yubileyləri ilə əlamətdardır. Bu ildə Bəxtiyar Vahabzadənin 90, Yusif Səmədoğlunun 80, Əlağa Vahidin 120, Məhəmmədhüseyn Şəhriyarın 110, Seyid Əzim Şirvaninin 180 illik yubileyləri qeyd olunur.
Azərbaycan Respublikasının Prezidenti yanında Gənclər Fondunun maliyyə dəstəyi ilə Qubada gənclər arasında Azərbaycan ədəbiyyatının təbliği və gənclər arasında mütaliə bacarıqlarının artırılması istiqamətində intellektual çoxnövçülük üzrə Ədəbiyyat kuboku adlı layihəyə start verilib.
Layihə rəhbəri Nizami Hüseynoun verdiyi məlumata görə layihə çərçivəsində gənclər arasında Xəmsə, Fərdi oyun, Breyn rinq kimi intellektual oyunlar üzrə yarışlar keçiriləcək. Sırf ədəbiyyat mövzusunu əhatə edəcək yarışlar bacarıqlı gənclərin üzə çıxarılmasına təkan verəcək.
Layihənin açılış mərasimində iştirak edən qonaqlar – Quba rayon Gənclər və İdman İdarəsinin əməkdaşı Xəyyam Şahbazov, Azərbaycan Gənclər Fondunun baş məsləhətçisi Vüsalə Niftəliyeva, layihənin tərəfdaşı “Yurd” Gənclərin İntellektual İnkişafına Dəstək İctimai Birliyinin sədri Ramin Mahmudov, Qubada fəaliyyət göstərən “Səyyar Asan Xidmət”in rəhbəri Araz Hüseynov bu kimi tədbirlərin həm gən nəslin bilik və bacarıqlarının artırlmasındaki əhəmiyyətindən danışıb, həm də Gənclər Fondunun hər bir gəncə dəstək verməklə ölkəmizdə gənclərin potensialının üzə çıxarılmasının müsbət əhəmiyyətini qeyd ediblər.
Layihənin ilk günü gənclər Fərdi oyunuda qüvvələrini sınayıblar. 40 nəfər gəncin iştirak etdiyi yarışda Qeyrət Əmirov qalib adını qazanıb. Aynurə Şıxməmmədova ikinci, Rakim Zeydullazadə isə üçüncü olub. Qalib və mükafatçılara diplomlar, medallar, müxətlif kitab hədiyyələri və kubok təqdim olunub.