[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/09/Untitled.png” ]
Yaradıcı Gənclər İctimai Birliyi Azrəbaycan Respublikasının Prezidenti yanında Gənclər Fondunun maliyyə dəstəyi ilə “Kənd gəncləri üçün vətənpərvərlik seminarları” adlı layihənin icrasına başlayır. Bu layihənin məqsədi Qəbələ, Oğuz və Şəki rayonlarının kənd məktəblərində təhsil alan 13-17 yaş arası yeniyetmə və gənclərin vətənpərvərlik ruhunda tərbiyəsinə töhfə verməkdir. Layihə çərçivəsində hədəf rayonların hər birində 5 kənd məktəbi seçiləcək və orada təhsil alan məktəbli gənclərə “Vətən bizim and yerimiz” adlı seminarlar təşkil ediləcəkdir. Seminarda gənclərə vətənpərvərlik, milli qəhrəmanlarımız, milli mənəvi dəyərlərimiz, dövlətçilik tariximiz, ordu quruculuğu haqqında ətraflı məlumatlar veriləcək, onların yad ünsürlərdən, dövlətə və dövlətçiliyə ziyan vuran qüvvələrdən uzaq olmaları tövsiyyə ediləcəkdir. Seminarlar təşkil olunduqdan sonra hədəf məktəblərin şagirdləri arasında “Vətəni sevmək nə demək” mövzusunda rəsm, şeir, inşa müsabiqəsi elan ediləcəkdir. Bu müsabiqəyə təqdim edilən əl işləri münsiflər heyəti tərəfindən qiymətləndiriləcək və qaliblərə fəxri fərman, qiymətli hədiyyələr veriləcəkdir. Nəticədə kənd məktəblərində təhsil alan 600 nəfər gəncin vətənpərvərlik ruhunda tərbiyəsinə töhfə verilmiş olacaq, müsabiqəyə təqdim edilmiş əl işləri vasitəsilə gənclərin vətənpərvərlik mövzusuna münasibəti sərgilənəcək, əl işlərinin kitabçada çap olunması gənclərin yaradıcılığına verilən dəyəri üzə çıxaracaq və gənclərdə özünəinam, özləri ilə qürur duyma hissi formalaşdıracaq, yaradıcılığa həvəsi artıracaqdır.
