[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/08/unnamed-127.jpg” ]
Azərbaycan Respublikasının Prezidenti yanında Gənclər Fondunun maliyyə və Yeni Azərbaycan Partiyası Binəqədi rayon Təşkilatının təşkilati dəstəyi ilə reallaşan “Şəhidlərimiz Xatirələrdə” adlı layihənin bağlanış tədbiri və “Şəhidlərimiz Xatirələrdə” adlı kitabın təqdimetmə mərasimi keçirilib. Tədbirdə YAP Binəqədi rayon Təşkilatının sədri Ramiz Göyüşov, təşkilatın gənclər birliyinin sədri Mahmud Məmmədzadə, təşkilatın aparat rəhbəri Sevinc Abdullayeva, layihənin rəhbəri, YAP Binəqədi rayon Təşkilatının baş təlimatçısı Kubra Əliyarlı, Binəqədi rayonunda fəaliyyət göstərən bələdiyyə sədrləri, ərazi ilk partiya təşkilatlarının rəhbərləri, fəalları və gənclər iştirak ediblər.
Tədbiri giriş nitqi ilə açan Kubra Əliyarlı layihə barədə ətraflı məlumat verib. O bildirib ki, layihəyə may ayının 15-dən strat verilib və ötən üç ay ərzində layihənin icrası uğurla davam edib. Layihənin icra müddəti ərzində şəhid ailələri ilə görüşlər keçirilib və onlarla şəhidlərimiz barədə ətraflı fikir mübadiləsi aparılıb. Şəhid ailələrinin şəhidlərimizin həyatı və keçdiyi döyüş yolu barədə xatirələri dinlənilib və onların əsasında Kubra Əliyarlının müəllifliyi ilə “Şəhidlərimiz Xatirələrdə” adlı 152 səhifəlik 430 tirajla kitab nəşr olunub. Layihə rəhbərinin sözlərinə görə artıq bir neçə müddət idi ki, vətənpərvərlik mövzusuna, xüsusilə də şəhidlərimizə həsr olunmuş kitabı ərsəyə gətirmək haqqında düşünürdü. Məhz qələmə aldığı “Şəhidlərimiz Xatirələrdə” adlı kitabda Qarabağ döyüşlərində şücaət göstərmiş və qəhrəmancasına şəhid olmuş oğullarımız barədə yazılıb. O, bu layihəni reallaşdırmaqda əsas məqsədinin Azərbaycanın ərazi bütövlüyü, dövlət müstəqilliyi və suverenliyi uğrunda şəhid olmuş oğullarımızın xatirəsini ehtiramla yad etmək və bu həqiqətləri yetişən və yetişməkdə olan nəsillərə əmanət ötürmək olduğunu bildirib. Qeyd edib ki, işıq üzü görən ilk kitabının məhz vətənpərvərlik mövzusuna, şəhidlərimizə həsr olunması onda çox böyük qürur və fəxarət hissi doğurur.
Tədbirdə şəhid Nüsrət İsmayılovun qızı Reyhan İsmayılova və şəhid Rövşən İmanovun anası Səkinə Dadaşova çıxış edərək öz təəssüratlarını bölüşüblər. Şəhid ailələri layihənin reallaşmasında əməyi olan hər kəsə təşəkkür ediblər. Onlar şəhidlərimizlə bağlı xatirələrini bölüşüblər. Onlar bildiriblər ki, şəhidlərimizə həsr olunan layihənin icrası və onların həyatından bəhs edən kitabın nəşr olunması onlarda böyük sevinc və fərəh hissi oyadıb. Tədbirdə, həmçinin şəhid Nüsrət İsmayılovun nəvəsi Aysu İmamaquliyeva babasına ithaf etdiyi şeiri səsləndirib.
Tədbirdə yekun nitq söyləyən Ramiz Göyüşov layihənin əhəmiyyəti barədə çıxış edib. O bildirib ki, “Şəhidlərimiz Xatirələrdə” adlı layihə insanlara vətənpərvərlik hisslərinin aşılanması və Vətənimizin bütövlüyü uğrunda şəhid olmuş qəhrəman oğullarımızın ictimaiyyətə daha geniş tanıdılması baxımından çox əhəmiyyətlidir. Layihə çərçivəsində şəhid ailələrinin yad edilməsi, onlarla görüşlərin keçirilməsi təqdirəlayiqdir. O, kitab barədə fikirlərini bölüşərək, orada şəhid ailələrinin xatirələrinin qələmə asılmasını xüsusi qiymətləndirib. Bu kitabda məhz şəhid ailələrinin öz dilindən səslənən fikirlərin, xatirələrin qələmə alınaraq, geniş oxucu auditoriyasına çatdırılmasının mühüm iş olduğunu diqqətə çatdırıb. Vurğulayıb ki, Azərbaycan həqiqətlərinin dünyaya tanıdılması, ermənilərin işğalçılıq siyasəti, eləcə də bu işğalçılığa qarşı çıxaraq öz ölkəsinin ərazi bütövlüyü uğrunda şəhid olmuş oğullarımız barədə kitabların yazılması və digər bir sıra təbliğat işlərinin aparılması olduqca vacibdir. Bu baxımdan Kubra Əliyarlının müəllifliyi ilə nəşr olunan bu kitab daha geniş oxucu kütləsinə çatdırılmalıdır. Ramiz Göyüşov bu kitab vasitəsilə insanların daha çox maariflənəcəyinə və erməni işğalçılarının əsl mahiyyətinin bir daha ifşa olunacağına inamını ifadə edib.
Qeyd edək ki, “Şəhidlərimiz Xatirələrdə” adlı kitabda vətənimizin, xalqımızın müdafiəsi yolunda şücaət göstərmiş və qəhrəmanlıqla həlak olmuş şəhidlərimizdən – Əbülfəz Əliyev, Əfqan Novruzov, Hicran Zülfiyev, Namiq Babayev, Nemət Şahmuradov, Nüsrət İsmayılov, Rövşən İmanov, Ruzi Hüseynov, Etibar Xəlilov və Milli Qəhrəmanlar Vəzir Sədiyev, Famil İsgəndərov barədə xatirələr qələmə alınıb.
Tədbirin sonunda kitab müəllif tərəfindən imzalanaraq oxucularına hədiyyə olunub.
[postgallery_grid content=”image” columns=”4″ lightbox=”yes” attached_id=”23190″ id=”23190″ imageeffect=”reflection” imgheight=”154″ imgwidth=”240″ width=”980″ /]
