[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/08/unnamed13.jpg” ]

Azərbaycan Respublikasının Prezidenti yanında Gənclər Fondunun maliyyə dəstəyi, Avropa Tələbələr Formu Bakı İctimai birliyi, Azərbaycan Turizm və Menecment Universiteti Tələbə Gənclər Təşkilatı və Təbiət Dostları İctimai Birliyinin təşkilatı dəstəyi ilə Əhmədzadə Röya tərəfindən icra olunan “Gələcək Əllərimdə” layihəsinin açılışı 2015-ci il avqust ayının 2-də Fabrika Coworking Center-də baş tutub. Tədbirin açılış nitqini layihə rəhbəri Röya Əhmədzadə edib. Röya Əhmədzadə çıxışında layihənin donoru olan Azərbaycan Respublikasının Prezidenti yanında Gənclər Fondundan, həyata keçirdiyi layihənin məqsədlərindən danışıb. Layihə müddətində 25 nəfər gəncə iki gün ərzində müxtəlif təlim və seminarlar keçirilib.
Layihənin ilk günü avqust ayının 2-də gənclərə Ekoturizm anlayışı, ekoturizmin Azərbaycandakı inkişafı potensialı, ekoturizmin ölkəmizdəki inkişafı üçün görülə biləcək tədbirlər haqqında seminar və Layihə yazılışı, layihənin idarə olunması haqqında təlimlər keçirilib. Layihənin ikinci günü avqust ayının 3-də  iştirakçılar arasında qrupların layihə təqdimatı həyata keçirilib və iştirakçılara sertifikatlar təqdim olunub.
“Gələcək Əllərimdə” layihəsinin əsas məqsədi ölkəmizdə ekoturizmin inkişafına töhfə göstərmək, bu sahəyə marağı olan gənclərin ideyalarının həyata keçirilməsinə dəstək olmaq, gələcəkdə bu sahə üzrə savadlı mütəxəssislərin sayının artmasına şərait yaratmaqdır.
Tədbirin sonunda layihə rəhbəri Əhmədzadə Röya Azərbaycan Respublikasının Gənclər Fonduna götərdiyi maliyyə dəstəyinə görə, Avropa Tələbələr Formu Bakı İctimai birliyi, Azərbaycan Turizm və Menecment Universiteti Tələbə Gənclər Təşkilatı və Təbiət Dostları İctimai Birliyinə təşkilatı dəstəyinə görə öz təşəkkürünü bildirib və layihənin uğurla başa çatdığını qeyd edib. Həmçinin o qeyd edib ki, layihə gözləniləndən daha yüksək nəticə verib, iştirakçıların hər birinin müstəqil layihə idarə etməsinə və layihə yazmasına, onların ideyalarını həyata keçirmələrinə yardım edib.
Beləliklə Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirirlən bir layihə daha baş tutub.

[postgallery_grid content=”image” columns=”4″ lightbox=”yes” attached_id=”23031″ id=”23031″ imageeffect=”reflection” imgheight=”154″ imgwidth=”240″ width=”980″ /]