[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/08/unnamed5.jpg” ]
Azərbaycan Turizm və Menecment Universitetində Azərbaycan Respublikasının Prezidenti yanında Gənclər Fondunun VI qrant müsabiqəsi çərçivəsində dəstəklənən “Gənc turizmçilərin tədqiqatlara təşviqi” layihəsi keçirilmişdir. Belə ki, tədbirin açılış nitqini layihə rəhbəri Bakı Dövlət Universitetinin müəllimi Sənan Yusifov, Nərimanov Rayon İcra Hakimiyyəti Gənclər İdman İdarəsinin nümayəndəsi, ATMU Gənclər Təşkilatının sədri olan Ağamir Ağamirov və Azərbaycan Turizm və Menecment Universitetinin müəllimi, layihə eksperti Səbuhi Aslanov etmişdir. Layihə çərçivəsində iştirakçılara seçilmiş universitet tələbələrinin elmi tezisləri əks olunan kitabçalar paylanmışdır. Qeyd edək ki, layihənin məqsədi Azərbaycan Turizm və Menecment Universitetinin menecment, marketinq və digər ixtisaslardan olan tələbələrin araşdırma tezislərini yayımlayaraq onları akademik tədqiqatlara həvəsləndirmək, digər tələbə gəncləri də bu prosesə təşviq etmək olmuşdur. Araşdırma tezisləri dərc olunan tələbələr xüsusilə seçilmişdir. Dərslərdə aktiv iştirakı, bilik və bacarıqları seçim meyarları olaraq götürülmüşdür. Layihə iştirakçılarından Çingiz Piriyev və Aynur Abbasova elmi tezisləri ətrafında şərhlər vermiş, apardığı tədqiqatın əhəmiyyətini vurğulamışdır.
Belə ki, tədbirdə Azərbaycan Turizm və Menecment Universitetinin bakalvr və magistr dərəcələrində Menecment və Marketinq ixtisaslarında təhsil alan 20 nəfər gənc iştirak etmişdir.
[postgallery_grid content=”image” columns=”4″ lightbox=”yes” attached_id=”22961″ id=”22961″ imageeffect=”reflection” imgheight=”154″ imgwidth=”240″ width=”980″ /]
