[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/07/unnamed23.jpg” ]

İyul ayının 13-də Azərbaycan Respublikasının Prezidenti yanında Gənclər Fondunun maliyyə yardımı ilə Fondun 6-cı qrant müsabiqəsinin qalibi Hacıyeva Günelin həyata keçirdiyi “Gənc memarların elmi fəaliyyətinin sənəd-informasiya təminatı” adlı layihəsinə yekun vuruldu. Bakı şəhərində “Anatolia” otelinin konfrans zalında layihə ilə əlaqədar çap olunan “Azərbaycanda Memarlığın Kitabxana-informasiya Təminatı Sistemi” adlı monoqrafik kitabın təqdminatı keçirildi. Təqdimatda Bakı Dövlət Universitetinin Kitabxanaçılıq-informasiya fakültəsinin 50-yə yaxın tələbəsi, eləcə də fakültənin dekan müavini, müəllimləri, o cümlədən AMEA M.Füzuli adına Əlyazmalar İnstitutundan şöbə müdiri və doktorantlar iştirak edirdilər. Eyni zamanda tədbirdə Gənclər Fondunun nümayəndəsi də iştirak edirdi.
Layihənin ümumi məqsəd və vəzifələrindən, onun reallaşdırılması zamanı əldə edilən elmi təcrübə haqqında geniş məlumat verən layihənin, eləcə də kitabın müəllifi Günel Hacıyeva hər şeydən öncə maliyyə dəstəyi göstərdiyinə görə Gənclər Fonduna   öz  təşəkürünü  bildirdi. O, vurğuladı ki, layihə çərçivəsində nəşr olunmuş monoqrafiyanın əsas məqsədi  memarlığın kitabxana-informasiya təminatının elmi, müqayisəli və tənqidi təhlilini verməkdən, memarlıq sahəsində aparılan elmi-tədqiqat  işlərindəki  rolunu  araşdırmaqdan və şərh  etməkdən  ibarətdir.
Daha sonra çıxış edənlər bildirdilər ki, həyata keçirilən layihəyə uyğun çap edilmiş kitab memarlıq sahəsinin kitabxana-informasiya təminatında baş verən proseslər haqqında ümumi anlayış formalaşdırmağa imkan yaradır.  Bütün  bunlar  sahə  üzrə  sənəd-informasiya sistemindəki nailiyyətlərini obyektiv qiymətləndirməyə və gələcək üçün onun inkişaf yollarını  proqnozlaşdırmağa  kömək  edəcəkdir. Sonda Gənclər Fondunun nümayəndəsi çıxış edərək, tədbir iştirakçılarına Fondun fəaliyyəti ilə bağlı ətraflı məlumat verdi.

[postgallery_grid content=”image” columns=”4″ lightbox=”yes” attached_id=”22884″ id=”22884″ imageeffect=”reflection” imgheight=”154″ imgwidth=”240″ width=”980″ /]