[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/07/unnamed-39.jpg” ]
Azərbaycan Respublikasının Prezidenti yanında Gənclər Fondunun elan etdiyi VI qrant müsabiqəsinin C kateqoriyası üzrə qalibi Haşımova Gülnar Araz qızı Gənclər Fondunun dəstəyi ilə “Kəndlərdə yaşıl turizmin inkişafına dəstək” adlı layihəsini üçüncü təlimini 09.07.2015 tarixində Oğuz rayon Xal-Xal kəndində eyni zamanda rayon Gənclər və İdman idarəsinin dəstəyi ilə həyata keçirmişdir. Layihə may, iyun, iyul aylarında Oğuz rayonunda həyata keçirilir. Layihənin keçirilməsində əsas məqsəd hal-hazırda Oğuz rayonunun kəndlərində aztəminatlı gənc ailələr, gənc kənd sakinləri arasında kənd yaşıl turizmini stimullaşdırmaqla onların məşğulluğunun təmin edilməsinə və sosial-iqtisadi göstəricilərinin artmasına, kənddə infrastrukturun yaradılmasına dəstək vermək, kəndliləri yeni peşə və ixtisaslara həvəsləndirməklə regionlardakı vətəndaşların özünü və öz imkanlarını reallaşdırmaq bacarıqlarının formalaşdırılmasıdır.
Rayon Gənclər və İdman idarəsinin rəisi Ramiz Mahmudov çıxış edərək tədbirin açılışını etmişdir.
Layihənin rəhbəri Oğuz rayon Heydər Əliyev Mərkəzinin elmi işçisi Gülnar Haşımova layihənin necə yaranması, məzmunu, əhəmiyyəti, əhatə dairəsi haqqında təlim iştirakçılarına ətraflı məlumat vermişdir. O, qeyd etmişdir ki, dünya miqyasında kənd turizmi (yaşıl turizm) növü geniş yayılmışdır. Kənd turizmi növü ilə əsasən yerli sakinlər özləri məşğul olurlar. Onlar turistləri evlərində yaradılmış şəraitə qəbul edir, onlara ailəvi xidmət göstərirlər.
[postgallery_grid content=”image” columns=”4″ lightbox=”yes” attached_id=”22795″ id=”22795″ imageeffect=”reflection” imgheight=”154″ imgwidth=”240″ width=”980″ /]
