[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/06/9DS_1293.jpg” ]

İyunun 6-da Oğuz İdman Olimpiya Kompleksində Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən “Kəndlərdə yaşıl turizmin inkişafına dəstək” adlı layihə çərçivəsində təlim keçirilmişdir. Rayon gənclər və idman idarəsinin rəisi Ramiz Mahmudov çıxış edərək belə layihələrin həyata keçirilməsinin əhəmiyyətindən danışmışdır.
Layihənin rəhbəri  Oğuz rayon Heydər Əliyev Mərkəzinin elmi işçisi Gülnar Haşımova layihənin necə yaranması, məzmunu, əhəmiyyəti, əhatə dairəsi haqqında təlim iştirakçılarına ətraflı məlumat vermişdir. Qeyd etmişdir ki, kənd turizmi çox ehtiyac duyulan turizm növlərindəndir. İstirahət etmək, şəhərin hay-küyündən uzaq qalmaq istəyənlər regionlara üz tuturlar. Amma kənd qonaq evlərinin sayının azlığı, kənd evlərinin şəraitinin yaxşı olmaması ucbatından onlar yenə də otellərdə qalmalı olurlar. Aydındır ki, otellərin daxili nizam-intizam qaydaları var. Misal üçün, filan vaxtı səhər yeməyidir, filan vaxtı oyanmaq lazımdır və s. bütün bunlar turistin istəmədiyi şeylərdir. Ona görə də turistlər rayonlara gedib otellərdə qalmaqdansa kənd-qonaq evlərində qalmağa daha çox üstünlük verirlər. Amma kənd-qonaq evlərinin müştəri tapması üçün gərək normal şəraiti olsun, turist birinci növbədə rahatlıq istəyir. Turizmin bu növünün inkişafı əhali üçün yeni məşğuliyyət sahələri yaradır. Beləliklə də kənd sakinlərinin iş-güc üçün ailələrindən uzaq qalmalarına ehtiyac qalmır. Bütün bunlar kənd turizminin önəmini artırır. Kənd turizminin inkişafı işsizliyin azalmasına səbəb olur. Layihənin məqsəd və perspektivləri, vəzifələri haqqında iştirakçılara geniş məlumat verilmişdir.
Təlimdə Oğuz şəhərindən və rayonun kəndlərindən olan fəal gənclər iştirak etmişlər. Qeyd edilmişdir ki, fəal istirahətin geniş və ən kütləvi yayılmış növlərindən biri də turizmdir. Turizm sadəcə maraq və dəb deyil, insanların vərdiş etdikləri həyati tələbatdır. Son illərdə turizmin təşkili işi qloballaşaraq sırf beynəlxalq fəaliyyət dairəsinə daxil olmuşdur. Bu səbəbdən də turizmin təşkili işi dünya əhalisinin bir-birinə yaxınlaşmasına təminat yaradan bir sahə olmaqla yanaşı o həm də milyonlarla insanın sosial və iqtisadi problemlərin ödənilməsinə yardımçı olan böyük fəaliyyət sahəsinə çevrilmişdir.
Təlim iştirakçılarından Elvin Qarayev, Fariz Cavadov, Almaz Cəfərova və başqaları çıxış edərək yaşıl turizmin inkişafı ilə bağlı fikirlərini söyləmiş, təkliflərini bildirmişlər.
Təlimdə yaşıl turizmlə bağlı bir neçə video-çarx nümayiş etdirilmişdir.

[postgallery_grid content=”image” columns=”4″ lightbox=”yes” attached_id=”22558″ id=”22558″ imageeffect=”reflection” imgheight=”154″ imgwidth=”240″ width=”980″ /]