[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/06/unnamed-321.jpg” ]

5 sentyabr 2014-cü ildə elan olunmuş VI qrant müsabiqəsinin nəticəsinə əsasən qalib olmuş “Tarixi və mədəni irsimiz qürur mənbəyimizdir!” adlı layihə uğurla başa vurulmuşdur.
1 aprel 2015-ci il tarixində start verilmiş layihə çərçivəsində Azərbaycanın tarixi və mədəni irsi ilə bağlı 8 dəqiqəlik video çarx hazırlanmışdır. Bu video çarxın 05 iyun 2015-ci il tarixində Safran otelində keçirilmiş təqdimat mərasimində Azərbaycan Milli Elmlər Akademiyası, Bakı Dövlət Universiteti, Bakı Şəhəri üzrə Təhsil İdarəsinin və 47 nömrəli məktəbin əməkdaşlarından ibarət ekspertlər və kütləvi informasiya vasitələrinin nümayəndələri  iştirak etmişdir.
Təqdimat mərasimini giriş sözü ilə açan layihə rəhbəri Aytən Qurbanova layihənin əsas missiyası, qarşıya qoyulmuş məqsədlər istiqamətində əldə edilmiş nailiyyətlər və görülən işlər haqqında qısa məlumat vermişdir.
Video çarx nümayişinin ardından layihə, vətənpərvərlik, milli mənəvi dəyərlərimiz, tarixi və mədəni irsimizlə bağlı elmi müzakirələr aparılmışdır. Sonda ekspertlər layihəni yüksək qiymətləndirmiş və onun yalnız Bakı şəhərindəki məktəblərdə deyil, eyni zamanda, bütün respublika ərazisində yerləşən  digər məktəblərdə də əlavə tədris vasitəsi kimi istifadə edilməsini tövsiyə etmişlər.

[postgallery_grid content=”image” columns=”4″ lightbox=”yes” attached_id=”22549″ id=”22549″ imageeffect=”reflection” imgheight=”154″ imgwidth=”240″ width=”980″ /]