[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/06/unnamed-219.jpg” ]
“Milli birlik körpüsündən dünyaya zəfər yürüşü” layihəsi çərçivəsində Bakı şəhərində Azərbaycan Respublikasının Prezidenti yanında Bilik Fondunun konfrans zalında gənclərlə görüş keçirilib.
Əsas məqsəd gənclərin dövlətçilik, milli- mənəvi, vətənpərvərlik ruhunun artırılması və ölkənin layiqli vətəndaşı kimi yetişdirilməsində fəal rol oynamasına dəstək olmaqdır. Mövzu ilə bağlı gənclərə maarifləndirici buklet paylanıb.
Tədbir zamanı gənclərə xalqımızın milli-mənəvi dəyərləri, xalqımızın vətənpərvərlik tarixi, Azərbaycanın inkişafında və qüdrətli dövlətlər arasında yer almasında böyük önəm daşıyan Heydər Əliyev siyasi kursunun əhəmiyyətindən, vacibliyindən danışılıb.
Eyni zamanda Azərbaycanda keçiriləcək birinci Avropa Oyunlarının məqsədi gənclərə izah olunub və “Bakı 2015”ə gəncləri ruhlandırmaq bu oyunlara dəstək olmağa çağırış edilib. Gənclərə Avropa Oyunları ilk dəfə keçirildiyinə və Azərbaycan bu Oyunlara ev sahibliyi etdiyinə görə ölkəmizin tarixə imza atacağı bildirilib.
Tədbirdə iştirak edən millət vəkili, Yeni Azərbaycan Partiyası İcra Katibliyinin Siyasi təhlil və proqnozlaşdırma şöbəsinin müdiri Aydın Mirzəzadə gəncləri bu gün əsası ulu öndər Heydər Əliyev tərəfindən qoyulmuş, Azərbaycan Respublikasının Prezidenti cənab İlham Əliyevin rəhbərliyi ilə davam etdirilən uğurlu dövlət siyasətini dərindən dərk etməyi tövsiyyə etdi və qeyd etdi ki, siz gənclər bu etimadı layiqincə dəyərləndirməli və gənclər üçün yaradılmış şəraitdən səmərəli istifadə etməlisiniz.
Maraqlı disskusiya şəraitində keçirilən tədbirdə Azərbaycan Respublikasının Prezidenti yanında Bilik Fondunun sektor müdirləri Xatirə Hüseynova və Riyad Məmmədzadə, Bakı Slavyan Universitetinin müəllimləri və ali məktəb tələbələri iştirak etmişdir.
Qeyd edək ki, layihə Abbas Əliyev tərəfindən Azərbaycan Respublikasının Prezidenti yanında Gənclər Fondunun maliyyə dəstəyilə icra olunur.
[postgallery_grid content=”image” columns=”4″ lightbox=”yes” attached_id=”22542″ id=”22542″ imageeffect=”reflection” imgheight=”154″ imgwidth=”240″ width=”980″ /]
