[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-165.jpg ” ]
25 may 2015-ci il tarixində “Caspian” Biznes Mərkəzində Azərbaycan Respublikasının Prezidenti yanında Gənclər Fondunun elan etdiyi VI Qrant müsabiqəsində qalib olmuş “Tarixi və mədəni irsimiz qürur mənbəyimizdir!” adlı layihənin Bakı şəhəri, Nərimanov rayonu 47 saylı orta məktəbin şagirdləri üçün ilkin təqdimat mərasimi keçirilmişdir. Vətənpərvərlik, tarixi və mədəni irsə bağlılıq və dəyərlərə hörmət hissinin cəmiyyətin ən gənc üvzləri, xüsusilə də məktəb şagirdləri arasında təbliği layihənin əsas ideyasını əks etdirir. Belə ki, layihədən ilkin olaraq gənclərin və orta məktəb şagirdlərinin faydalanması nəzərdə tutulur. Məhz buna görə də layihənin ilkin təqdimat mərasiminin nümunəvi məktəb olaraq seçilmiş 47 saylı orta məktəbin şagirdləri qarşısında keçirilməsi heç də təsadüfi deyil.
Tədbiri giriş sözü ilə açan layihə rəhbəri Aytən Qurbanova iştirakçıları salamlayaraq layihənin məqsədi və missiyası haqqında qısa məlumat vermişdir. Layihə gənclər arasında milli-mənəvi dəyərlərimizə, tarixi və mədəni irsimizə hörmət, vətənpərvərlik hissinin formalaşdırılması kimi prinsiplərə əsaslanır və cəmiyyət üçün yalnız savadlı deyil, bu prinsipləri prioritet olaraq qəbul edən layiqli vətəndaş yetişdirilməsinin əhəmiyyətinə dair maariflandirici missiya daşıyır. Belə ki, Azərbaycan tarixinin tədrisi yalnız intellektual gənclik üçün deyil, eyni zamanda vətənpərvər vətəndaşların, cəmiyyətin və bütövlükdə millətin formalaşdırılması üçün ən vacib məqamdır. Çünki öz tarixini bilməyən insan heç bir zaman öz millətinə, torpağına və mənəvi dəyərlərinə bağlı layiqli bir vətəndaş ola bilməz. Daha sonra isə layihənin eksperti Nərgiz Vəliyevaya söz verilmişdir. O, vətənpərvərlik və gənclərin cəmiyyətdəki rolu mövzusundan çıxış edərək gəncləri daha aktiv olamağa səsləmişdir. Tədbirdə layihə çərçivəsində iki dildə (Azərbaycan və ingilis) hazırlanmış video çarx nümayiş etdirilmişdir.
Sonda isə layihə rəhbəri Aytən Qurbanova Gənclər Fondu, əsas məqsədləri, elan olunmuş qrant layihələr və istiqamətləri haqqında məlumat vermiş, gəncləri fondla əməkdaşlığa dəvət etmişdir.
[postgallery_grid content=”image” columns=”4″ lightbox=”yes” attached_id=”22256″ id=”22256″ imageeffect=”reflection” imgheight=”154″ imgwidth=”240″ width=”980″ /]
