[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed54.jpg” ]
Artıq 10 ildir ki, “Bizim Sahibkarlıq Fəaliyyətimiz” (Enactus) beynəlxalq proqramı Azərbaycanda fəaliyyət göstərir. Enactus sahibkarlıq fəaliyyətinin gücü ilə dünyada inkişafa nail olmaq üçün tələbələri, akademik və biznes liderləri bir araya gətirən beynəlxalq proqramdır. Fakultə məsləhətçiləri və biznes mütəxəssislərin rəhbərliyi ilə, iştrakçı tələbələr insanların həyat keyfiyyətini və yaşam standartlarını inkişaf etdirməyə imkan verən birgə layihələri yaratmaq və həyata keçirmək üçün öz universitetlərində komanda formalaşdırırlar. Bu təcrübə nəinki həyatları dəyişir, sabahın dəyərli və təsirli liderləri olmaq üçün lazım olan perspektivləri və bacarıqları inkişaf etdirməyə kömək edir.
Proqramın əsas məqsədi tələbələr arasında sahibkarlıq fəaliyyətini inkişaf etdirməkdən və gələcəyin sahibkarlarını yetişdirməkdən ibarətdir. Müvəffəqiyətli sahibkar olmaq üçün isə tələbələrə müstəqil şəkildə qəralar vermək, marketingin sirlərinə dərindən sahib olmaq, maliyyə vəsaiti cəlb etmək, mövcud iqtisadi şəraiti düzgün təhlil etmək kimi bacarıqlara sahib olmalıdı. Proqramın cəmiyyətdə ictimai faydalılıgı, tələbə-gənclərə biznes liderlik və karyera təşəbbüslərini öyrənməklə, əməkdaş şirkətlərlə tələbə və məzunların mübadiləsi, həmçinin yerləşdirilməsində və iş yerləri ilə təmin olunmasında əhəmiyyətli imkanlar yaratmasından ibarətdir. Proqramın kulminasiyası, komandalar üçün layihələrin nəticələrini təqdim etməkdə forum rolunu oynayan və biznes liderlərinin hakim kimi onları qiymətləndirdiyi illik Milli yarışdır. Çempion komanda dünya kuboku uğrunda yarışa iştirak hüququ qazanır. Bunun üçündə hər akademik il üçün gənclərlə iş üzrə proqram planı hazırlanır. Akademik ilin sonunda isə işlərin yekunu olaraq Universitet komandaları arasında ilk öncə Milli Yarış keçirilir. Qalib gəlmiş komanda isə “World Cup 2015” yarışına vəsiqə qazanır.
Bu il də 30-31 Mayda Monolit Plazada Azərbaycan Respublikasının Prezidenti yanında Gənclər Fondunun maliyyə dəstəyilə Milli Yarış keçiriləcək. Yarışda Enactus Azərbaycanın 9 komandası iştirak edəcək. Azərbaycan Dövlət İqtisad Universiteti, Azərbaycan Dövlət Aqrar Universiteti, Azərbaycan Dövlət Mədəniyyət və İncəsənət Universiteti, Azərbaycan Texnologiya Universiteti, Azərbaycan Memarlıq və İnşaat Universiteti, Gəncə Dövlət Universiteti, Naxçıvan Dövlət Universiteti, Naxçıvan Universiteti, Sumqayıt Dövlət Universiteti.
30 May Enactus Azərbaycan Milli Yarış mərhələsinin açılışı, komandaların keçidi və püşk atma mərasimi olacaq. Püşk atma mərasimində hansı komandanın hansı liqada və neçənci çıxış edəcəyi məlum olacaq. 31 May tarixində isə yarışın Yarım Final və Final Mərhələsi baş tutacaq. Yarışda müxtəlif nominasiyalar üzrə də mükafatlar olacaq. Hər liqadan seçilmiş iki komanda finalda iştirak etmə hüququ qazanacaq. Final mərhələsində qalib gəlmiş komanda 14-16 oktyabr, Cənubi Afrika Respublikasının Yoxanesburq şəhərində keçiriləcək Enactus Dünya Kuboku 2015-ə vəsiqə qazanmış olacaq.
[postgallery_grid content=”image” columns=”4″ lightbox=”yes” attached_id=”22243″ id=”22243″ imageeffect=”reflection” imgheight=”154″ imgwidth=”240″ width=”980″ /]
