[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-615.jpg” ]
Azərbaycan Respublikasının Prezidenti yanında Gənclər Fondunun VI qrant müsabiqəsinin qalibi “Dan” Beynəlmiləlçi Gənclər İB-nin Bakı 2015 İlk Avropa Oyunları ilə bağlı təbliğat kampaniyasına verilən ictimai dəstək çərçivəsində “Könüllü fəaliyyəti vasitəsilə gənclərdə vətənpərvərlik və humanizm prinsiplərinin tərbiyələndirilməsi” adlı layihəsi sona çatmışdır.
Layihənin məqsədi – gənclərdə vətənpərvərlik və humanizm prinsiplərinin tərbiyələndirilməsi üçün könüllü fəaliyyətinin təbliğatı və təşviqatı idi. Layihə çərçivəsində yeni açılmış www.konullu2015.az saytında BEGOC-un nə olduğu və orada könüllü olmaq üçün lazım olan tələblər və qeydiyyat qaydalarından bəhs edən video çarx, tamaşaçı və azarkeşlər arasından əlilliyi olan şəxslərlə davranış qaydaları və etik normalar haqqında məlumat yerləşdirilmişdir. Layihədən könüllülük fəaliyyəti ilə məşğul olmaq və Bakı 2015 İlk Avropa Oyunlarına könüllü kimi qatılmaq istəyən 18-35 yaş arası olan 135 670 gənc bəhrələnmişdir.
– Könüllü2015.az saytını 119 000 nəfər izləyib;
– Könüllü2015.az saytına 6 000 gənc cəlb olunub;
– Könüllü2015.az saytında 1 150 sorğu qeydə alınıb;
– Könüllü2015.az saytına 4 154 nəfər daxil olub;
– Könüllü2015.az saytına 1 179 ərizə daxil olub;
– Könüllü 2015 fb səhifəsini bəyənənlərinümumi sayı 4 187 nəfər.
Layihənin nəticəsində gənclərin hərtərəfli inkişafı üçün şərait yaradılmış onların məlumatlılığı artmışdı. Gənclər öz könüllü fəaliyyəti haqqında təcrübələrini bölüşmək və uğurlu hekayələrini www.konullu2015.az saytında, Facebook və Youtube səhifələrində yerləşdirmək imkanını əldə etmişdilər. Layihə gənclərin vətənpərvərlik və humanizm prinsipləri əsasında tərbiyələndirilməsinə və gələcəkdə Azərbaycanda keçiriləcək kütləvi idman və mədəni tədbirlərdə yardımçı ola biləcək könüllülər ordusunun hazırlanmasına öz töhfəsini vermişdi.
[postgallery_grid content=”image” columns=”4″ lightbox=”yes” attached_id=”22164″ id=”22164″ imageeffect=”reflection” imgheight=”154″ imgwidth=”240″ width=”980″ /]
