[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-419.jpg” ]

Bəşirova Turanə Ramiz qızı tərəfindən Azərbaycan Respublikasının Prezidenti yanında Gənclər Fondun dəstəyilə “Təmiz dünya təmiz həyatdır!” layihəsi çərçivəsində tədbir keçirilib.
Layihənin məqsədi gəncləri və bu sahədə biliksiz olan insanları maarifləndirməkdir. Ağcabədi rayonu Cəfərbəyli kənd tam orta məktəbinin həyətində layihə müddətində öncədən məlumatlandırılan könüllü gənclərin vasitəsilə məlumatlandırma tədbiri təşkil olunub.
Tədbirdə şagirdlər, müəllimlər və valideynlər iştirak ediblər. Onlara ekologiya, ətraf mühitin mühafizəsi və təbii sərvətlərin səmərəli istifadəsi haqqında məlumatlar verilib. Qeyd edilib ki, müasir dövrümüzdə təbiətin mühafizəsi qlobal və ümumi bəşər problem olmaqla bütün dünya xalqlarını düşündürür. Yaşından asılı olmayaraq ətraf mühitin qorunması hər bir insanın mənəvi borcudur.
Tədbir iştirakçılarına ekoloji tərbiyə və ekoloji tərbiyənin insanlara təbiətdən istifadə etmək işində məsuliyyət hissi aşılamasından bəhs edilib. Həyat üçün ekologiyanın qorunmasının vacibliyi xüsusi olaraq vurğulanıb.
Sonra şagirdlərə təbiət və ətraf mühitin qorunması ilə bağlı rəsmlər çəkmək təklif olunub. Bu təklif şagirdlər tərəfindən böyük maraqla qarşılanıb, onlar həvəslə təbiət rəsmləri çəkiblər.
Sonda tədbir iştirakçılarına bukletlər paylanılıb.

[postgallery_grid content=”image” columns=”4″ lightbox=”yes” attached_id=”22029″ id=”22029″ imageeffect=”reflection” imgheight=”154″ imgwidth=”240″ width=”980″ /]