[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-312.jpg” ]
“RESURS” Gənclərin İnkişafı İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Bakı 2015 – Avropa oyunlarına həsr olunmuş futbol turnirinin təşkili” layihəsinin icrasını sona çatdırmışdır. Layihənin əsas məqsədi 2015-ci ildə Bakıda keçiriləcək ilk Avropa oyunlarına ictimai dəstək verməkdən, geniş təbliğat kampaniyası təşkil etməkdən, yeniyetmə və gənclərin idmana, Avropa oyunlarına olan marağını daha da artırmaqdan ibarət olmuşdur.
Layihə çərçivəsində aşağıdakı vəzifələr həyata keçirilmişdir:
– ilk Avropa oyunlarının yeniyetmələr və gənclər arasında təbliği;
– idmanın futbol növü üzrə kütləviliyin təmin edilməsi və gənclərin aktivliyinin artırılması;
– yeniyetmə və gənclərin asudə vaxtının səmərəli təşkili;
– yeniyetmə və gənclərin hərtərəfli inkişaf etdirilməsi və şəxsi qabilliyyətlərinin aşkar olunması istiqamətində əlverişli şəraitin yaradılması;
– yeniyetmə və gənclər arasında idman oyunların keçirilmə qaydaları haqqında məlumatlandırma işinin aparılması;
– yeniyetmə və gənclər arasında idman yarışlarının keçirilməsinin əhəmiyyəti barədə izahların verilməsi.
Bakı şəhərinin Nizami rayonunda təhsil alan məktəblilər arasında keçirilən futbol turniri maraqlı idman mübarizəsi ilə yadda qaldı. Məktəblilərin geniş marağına səbəb olan yarışda “ədalətli oyun” prinsipi əsas götürülərək, məqsədin yeniyetmə və gənclərin sağlamlığına, onların asudə vaxtlarının səmərəli təşkilinə yönəıldilməsi təmin edilmişdir. Turnirin bağlanışında çıxış edən “Resurs” Gənclərin İnkişafı İctimai Birliyinin sədri Samir Mehdizadə futbol turnirinin Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirildiyini iştirakçıların diqqətinə çatdırdı. Fərqlənən komandalara kubok və fəxri fərmanlar verildi, onların gələcəkdə də sağlam həyat sürmələri tövsiyə olundu.
[postgallery_grid content=”image” columns=”4″ lightbox=”yes” attached_id=”21874″ id=”21874″ imageeffect=”reflection” imgheight=”154″ imgwidth=”240″ width=”980″ /]
