[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-33.jpg” ]

Azərbaycan Respublikasının Prezidenti yanında Gənclər Fondunun maliyyə və Sumqayıt şəhər Gənclər və İdman Baş İdarəsinin təşkilati dəstəyi ilə həyata keçiriləcək “Miniatür obrazlar sərgisi” adlı layihənin təqdimatı keçirilmişdir. 2 may 2015-ci il tarixində Sumqayıt Gənclər Evində tərəfdaş təşkilatların nümayəndələri ilə birgə keçirilən təqdimatda çıxış edən layihə rəhbəri Natiq Muradxanlı bu cür layihələrin Gənclər Fondu tərəfindən dəstəklənməsinin ölkəmizdə istedadlı və yaradıcı gənclərə göstərilən dövlət qayğısının nəticələrindən olduğunu qeyd etdi.
N.Muradxanlı bildirdi ki, layihənin məqsədi Azərbaycan incəsənət növlərindən olan miniatür sənətini yeniyetmə və gənc nəsil arasında inkişaf etdirmək, onların bu yöndə bilik və bacarığının artırmaq, iştirakçıları bu sahəyə motivasiya etmək, xalq tətbiqi sənət növlərinin təbliğatı işini sürətləndirmək və gənc istedadlara dəstək olmaqdır. Sərgidə rəssamlıqda miniatür obrazlara üstünlük verən gənclərin əl işlərindən ibarət klassik və müasir tariximizi əks etdirən rəsmlər nümayiş olunacaq ki, bu da xalqımızın milli-mədəni dəyərlərini tanıtmaq, yaşatmaq, qorumaq və gənc nəslə təbliğ etmək kimi gözlənilən nəticələrə çatmaqda yardımçı olacaq.
Sonda iştirakçılarla birgə layihə çərçivəsində görüləcək işlər, layihənin məqsədinə nail olmaq üçün müəyyən edilmiş vəzifələrin icrası, görüləcək işlərin ardıcıllığı və gözlənilən nəticələr müzkirə olunmuşdur.

[postgallery_grid content=”image” columns=”4″ lightbox=”yes” attached_id=”21743″ id=”21743″ imageeffect=”reflection” imgheight=”154″ imgwidth=”240″ width=”980″ /]