[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/05/unnamed-24.jpg” ]
Gənclər üçün Təhsil Mərkəzi Azərbaycan Respublikasının Prezidenti yanında Gənclər Fondunun dəstəyi ilə icra etdiyi “Region gənclərindən İlk Avropa Oyunlarına yaradıcı dəstək” layihə çərçivəsində Gəncə şəhərində möhtəşəm festival keçirmişdir.
Mayın 1-də “Ramada” mehmanxanasında təşkil olunan festivalda region gəncləri yaradıcılıq imkanlarını nümayiş etdirməklə, ölkəmizin ev sahibliyi edəcəyi nüfuzlu beynəlxalq tədbirə ictimai dəstək vermişdirlər.
Gəncə şəhər İcra Hakimiyyətinin də dəstəklədiyi festivalda uşaq və yeniyetmələrin, eyni zamanda gənclərin iştirakı ilə idman oyunları, musiqi və rəqslər, tamaşalar, rəsm və əl işləri nümayiş etdirilmiş, gənclər arasında viktorinalar keçirilmişdir.
Çıxış edən qonaqlar festivalın əhəmiyyətini vurğulayaraq, idmanın inkişafı istiqamətində dövlət tərəfindən həyata keçirilən siyasətin bu sahədə böyük uğurların əldə edilməsi ilə nəticələndiyini bildirmişlər. Qeyd edilmişdir ki, Azərbaycan Respublikasının Prezidenti İlham Əliyevin idman sahəsində həyata keçirdiyi siyasət Azərbaycanın idman ölkəsi kimi nüfuzunu xeyli artırmaqla yanaşı, beynəlxalq federasiyaların seçim edərkən məhz ölkəmizə üstünlük verməsini təmin etmişdir. İlk Avropa Oyunlarının Bakıda keçirilməsinə qərar veriləndə dövlətimiz öz üzərinə götürdüyü məsuliyyətin ağırlığını dərk edərək, dərhal hazırlıq işlərinə start vermişdir. Bütün bunlar əsas verir ki, Azərbaycan belə möhtəşəm tədbirlərə ev sahibliyi edirsə, onun gəncləri də səfərbər olaraq, dövlətin yanında olmalı və hərtərəfli dəstəyini əsirgəməməlidir. Buna görə də, Gənclər üçün Təhsil Mərkəzi daha çox region gəncinin iştirakı ilə ölkəmizdə keçirilən İlk Avropa Oyunlarına dəstək nümayiş etdirir və bütün diqqəti bu nüfuzlu tədbirə yönəldir.
Sağlamlıq imkanları məhdud olan uşaq və yeniyetmələr də Festivala qoşularaq, dəstəklərini əsirgəməmişlər.
Festivalın sonunda iştirakçılara fəxri fərman və qiymətli hədiyyələr təqdim edilmişdir.
[postgallery_grid content=”image” columns=”4″ lightbox=”yes” attached_id=”21723″ id=”21723″ imageeffect=”reflection” imgheight=”154″ imgwidth=”240″ width=”980″ /]
