[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/unnamed62.jpg” ]
Azərbaycan Respublikasının Prezidenti yanında Gənclər Fondunun maliyyə dəstəyi, Azərbaycan Respublikası Gənclər və İdman Nazirliyi və BMT İnkişaf Proqramının təşkilati dəstəyi ilə ADAMUN klubunun təşkil etdiyi YouthMUN 2015 konfransına yekun vuruldu. 25-26 aprel 2015-ci il tarixlərdə Sabunçu rayonu Gənclər Evində baş tutan konfrans maraqlı anları ilə yadda qaldı.
25 aprel 2015-ci il tarixdə Gənclər Fondu və BMT-nin İnkişaf Proqramının rəsmilərinin iştirakı ilə konfransın açılışı keçirildi. Çıxışlar zamanı BMT Modeli formatında gənclər üçün konfransların keçirilməsinin zərurəti qeyd edildi, 20% torpaqları işğal atında olan dövlətimiz üçün gənc diplomatların hazırlanması, gənclərin beynəlxalq diplomatiya sahəsində təcrübə və biliklərinin artırılması prioritet olduğu xüsusilə vurğulandı.
Konfransın mövzusu olan “Gənclər siyasəti” haqqında iştirakçıların hazırladıqları təqdimatları dinamik müzakirələr əvəzlədi. Qapalı və açıq şəkildə keçirilən müzakirələr zamanı iştirakçılar təmsil etdikəri dövlətlərin mövqeyindən çıxış edərək gənclərlə bağlı hazırda aktual olan təhsil, məşğulluq, gənclərin qərarvermədə aktiv fəaliyyəti kimi məsələlərə həll yolları axtardılar.
Tədbirin sonunda 3 fərqli nominasiyada ən yaxşı iştirakçılara hədiyyələr verildi. “Best Debutant” nominasiyasına Azərbaycan Dövlət İqtisad Universitetinin tələbəsi İbrahim Vəlizadə, “Master Rules of Procedure” nominasiyasına ADA Universitetinin tələbəsi Cumanazar Asanov və “Best Position Paper” nominasiyasına isə Azərbaycan Dillər Universitetinin tələbəsi İnci Nəbiyeva layiq görüldü.
Qeyd edək ki, YouthMUN 2015 Konfransı “Universitet Tələbələri arasında BMT Modeli” layihəsi əsasında keçirilən simulyasiya oyunudur. Konfrans zamanı iştirakçılar hər biri müxtəlif dövlətin BMT nümayəndəsi rolunda çıxış edərək qlobal məsələlərin həll yollarını tapmağa çalışırlar.
[postgallery_grid content=”image” columns=”4″ lightbox=”yes” attached_id=”21513″ id=”21513″ imageeffect=”reflection” imgheight=”154″ imgwidth=”240″ width=”980″ /]
