[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/4.jpg” ]
Azərbaycan Respublikasının Prezidenti yanında Gənclər Fondunun maliyyə, Azərbaycanın Litvadakı səfirliyinin və Litva Musiqi və Teatr Akademiyasının təşkilatı dəstəyi ilə Litva Azərbaycanlı Gənclər Təşkilatı (AYOL) tərəfindən aprelin 16-da “Mədəniyyət sərhəd tanımır” adlı layihə çərçivəsində Vilnüs Musiqi və Teatr Akademiyasında konsert verilib.
Layihənin məqsədi Azərbaycanın zəngin mədəniyyətinin Litva ictimaiyyətinə çatdırılması, Litva-Azərbaycan mədəni əlaqələrinin inkişafına töhfə verməkdir.
Tədbirdə Litvanın təhsil naziri Dainüs Pavalkis, Seymin üzvləri, Azərbaycandan isə Azərbaycan Respublikası Prezident Administrasiyasının İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev, Azərbaycan Respublikasının Prezidenti yanında Gənclər Fondunun Strateji planlaşdırma və beynəlxalq əlaqələr sektorunun müdiri Orxan Ərəbov, Litvanın ictimai xadimləri, QHT rəhbərləri, Vilnüs Musiqi və Teatr Akademiyasının rektoru, müəllim və tələbələri iştirak ediblər.
Tədbiri rəsmi açıq elan edən səfir Həsən Məmmədzadə qonaqları salamlayaraq, iki ölkə arasında əlaqələrin inkişafında mədəniyyət sahəsinin xüsusi əhəmiyyət rol oynadığını qeyd edib, və bu gün ki tədbirində əlaqələrin inkişafına töhfə verəcəyini bildirib.
Daha sonra Vilnüs Musiqi və Teatr Akademiyasının rektoru konsert proqramında qonaqları salamlayaraq, tədbirin Vilnüs Musiqi və Teatr Akademiyasında keçirilməsindən məmnunluq duyduğunu bildirərək, hər iki ölkənin musiqisinin zənginliyindən danışıb.
Çıxışlardan sonra qonaqlar Litva Musiqi Akademiyasının simfonik orkestrinin ifasında Litva və Azərbaycanın dahi bəstəkarlarının əsərlərini ifa edilib. Tədbirə iştirak edən, Azərbaycandan dəvət olunmuş gənc pianoçu Etibar Əsədli və vokal ifaçı İlham Nəzərovun ifaları iştirakçılar tərəfindən çox maraqla dinlənilib.
Sonra tədbir iştirakçıları üçün Azərbaycan milli mətbəxinin yeməklərindən ibarət ziyafət verilib.
Layihə Azərbaycan Demokratik Tələbə Gənclər Təşkilatının tərəfdaşlığı ilə həyata keçirilib.
[postgallery_grid content=”image” columns=”4″ lightbox=”yes” attached_id=”21291″ id=”21291″ imageeffect=”reflection” imgheight=”154″ imgwidth=”240″ width=”980″ /]
