[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/unnamed41.jpg” ]

Azərbaycan Respublikasının Prezidenti yanında Gənclər Fondunun maliyyə dəstəyilə keçirilən “Tarixi və mədəni irsimiz qürur mənbəyimizdir!” layihəsinə start verilib. Layihə ilkin olaraq gənclər arasında milli-mənəvi dəyərlərimizə, tarixi və mədəni irsimizə hörmət, vətənpərvərlik hissinin formalaşdırılması kimi prinsiplərə əsaslanır və cəmiyyət üçün yalnız savadlı deyil, həmçinin bu prinsipləri prioritet olaraq qəbul edən layiqli vətəndaş yetişdirilməsinin əhəmiyyətinə dair maarifləndirici missiya daşıyır. Layihənin bir digər məqsədi isə gənclərin innovativ addımlara olan marağının artırılması və dəstəklənməsidir.
Ümumi icra müddəti üç ay olaraq hesablanan “Tarixi və mədəni irsimiz qürur mənbəyimizdir!” adlı layihə çərçivəsində müasir Azərbaycanın tarixi, mədəni irsi mənəvi dəyərlərini, milli xüsusiyyətlərini əks etdirən 6-8 dəqiqəlik qısa tanıtım filminin hazırlanmsı nəzərdə tutulur. Sonrakı mərhələdə isə filmin orta məktəb şagirdlərinin və ekspertlərin iştirakı ilə təqdimatlarnın keçirilməsi planlaşdırılır.