[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/unnamed-124.jpg” ]
“Gəncliyə Dəstək” İctimai Birliyi Azərbaycan Respublikasının Prezidenti yanında Gənclər Fondunun dəstəyi ilə 13 aprel 2015-ci il tarixdə Zərdab rayon Gəlmə kənd tam orta məktəbində “Vətənimizi sevək-tariximizi öyrənək!” adlı layihə çərçivəsində məktəbli gənclərə seminar keçirdi. Məktəbli gənclərə tariximizin ən parlaq səhifələrindən olan dövlətçilik salnamələri, xüsusilə müsəlman şərqində ilk parlament respublikası olan Azərbaycan Xalq Cümhuriyyəti tarixi haqqında biliklər çatdırıldı. Tədbirdə layihənin rəhbəri, “Gəncliyə Dəstək” İctimai Birliyinin sədri Eldar Xəlilov layihənin məqsədindən, Azərbaycan Xalq Cumhiriyyətinin və eləcədə tariximizin öyrənilməsinin əhəmiyyətindən danışdı və məktəbli gənclərə Azərbaycanın milli dövlət atributlarını uca tutmağı, vətəni sevməyi və xalqımızın dövlətçilik salnamələrini öyrənməyi tövsiyə etdi. Tədbirdə Zərdab rayon Gəlmə kənd tam orta məktəbin tarix müəllimi Rasif müəllim çıxış edərək layihənin məqsədindən, Azərbaycan Xalq Cumhiriyyətinin və eləcədə tariximizin öyrənilməsinin əhəmiyyətindən danışdı. Qeyd olundu ki, bu layihənin icra olunması gənclərin vətənpərvərlik hisslərinin inkişafına böyük təsiri olacaqdır. Xatırladaq ki, layihənin məqsədi gənclərə Azərbaycanın milli dövlət atributlarını uca tutmağı, vətəni sevməyi aşılamaq və xalqımızın dövlətçilik salnaməsini öyrətməkdən ibarətdir.
[postgallery_grid content=”image” columns=”4″ lightbox=”yes” attached_id=”21161″ id=”21161″ imageeffect=”reflection” imgheight=”154″ imgwidth=”240″ width=”980″ /]
