[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/unnamed-112.jpg” ]
“Zəka oyunları” festivalının bu kənddə baş tutan seçim turunda iştirak edən 6 komandanın mübarizəsində “Zirvə” komandası finala vəsiqə qazanıb.
Seçim turunun yekununda qalib və mükafatçılar təşkilatçılar tərəfindən təltif edilib.
“Yurd” Gənclərin İntellektual İnkişafına Dəstək İctimai Birliyi tərəfindən Qubada icra edilən “İntellektlə yüksələk, pis vərdişə yox deyək!” adlı layihəsi çərçivəsində ilk dəfə olaraq Quba rayonunun Dağlı kəndində gənclərinin iştirakı ilə keçirilən Nə? Harada? Nə zaman? intellektual oyununun rəsmi açılış mərasimində təşkilatın sədri Ramin Mahmudov, Azərbaycan Respubikasının Prezidenti yanında Gənclər Fondunun əməkdaşı Ramın Cəfərov, Quba rayon Gənclər və İdman İdarəsinin rəis müavini Mənsur Ağayev iştirak edib. Natiqlər gənclərin bu tipli layihələrdə iştirakının onların dünyagörüşünün artırılmasında, Azərbaycanımızın mədəniyyəti, adət-ənənələri barədə yeni biliklərin əldə edilməsindəki əhəmiyyətini vurğulayıb, Gənclər Fondu tərəfindən bu layihələrin dəstəklənməsi nəticəsində Qubada intellekt hərəkatının yüksəldiyini bildiriblər.
Qeyd edək ki, Azərbaycan Respubikasının Prezidenti yanında Gənclər Fondunun maliyyə dəstəyi ilə gerçəkləşən, National Geography Azerbaijan jurnalının, Quba rayon Gənclər və İdman İdarəsinin və Quba rayon Təhsil Şöbəsinin də tərəfdaşlıq etdiyi layihənin əsas məqsədi Quba rayonunun müxtəlif kənd və şəhər ərazilərində yaşayan və təhsil alan yeniyetmə və gənclərin asudə vaxtlarının səmərəli təşkili, onların zərərli vərdişlərdən uzaqlaşmaları istiqamətində maarifləndirilməsi, eyni zamanda da intellektual oyunlar vasitəsilə Azərbaycanımızın mədəniyyəti, tarixi, coğrafiyası, adət-ənənələri barədə bilgilənmələrinə dəstək olmaqdır.
Festivalın final mərhələsi may ayının 16-da Quba şəhərində baş tutacaq.
[postgallery_grid content=”image” columns=”4″ lightbox=”yes” attached_id=”21018″ id=”21018″ imageeffect=”reflection” imgheight=”154″ imgwidth=”240″ width=”980″ /]
