[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/unnamed5.jpg” ]

“Azərbaycan – Avropa Gənclərinin Əməkdaşlığı” İB Azərbaycan Respublikasının Prezidenti yanında Gənclər Fondunun maliyyə dəstəyi ilə Şəki, Mingəçevir və Gəncə şəhərlərində “Gənclərin regional bilik akademiyası” adlı layihə icra edir. Layihənin əsas məqsədi gənclərin Azərbaycanın tarixi, mədəniyyəti, coğrafiyası sahəsində biliklərini artırmaq, maarifləndirmə işini qurmaq və sahə üzrə bilik yarışmasını keçirtməkdir.
Layihə çərçivəsində Şəki və Gəncə şəhərində gənclərlə görüşlər keçirilib. Bildirilib ki, hər bir gənc vətənimiz Azərbaycanı sevməli, milli dəyərlərimizi yaşatmalı və müstəqilliyimizi qorumalıdır. Tədbirdə gənclərin bilik səviyyəsini yoxlamaq üçün Azərbaycanın tarixi, mədəniyyəti və coğrafiyası haqqında müsabiqə keçirilib. I yerə layiq görülənlərə hədiyyələr, iştirakçılara isə sertifikatlar təqdim olunub. Görüşün sonunda bildirilmişdir ki, bu layihənin keçirilməsi region gənclərinin ictimai fəallığının artırılmasına, onların elm, təhsillə bağlı aktivliyinə, yaşadıqları bölgənin inkişafı ilə bağlı tədbirlərdə yaxından iştirakına, müstəqil düşüncə tərzinin formalaşmasına köməklik göstərir.
Qeyd edək ki, layihə üzrə son görüş cari ilin  aprel ayında Mingəçevirdə təşkil olunacaq.

[postgallery_grid content=”image” columns=”4″ lightbox=”yes” attached_id=”20926″ id=”20926″ imageeffect=”reflection” imgheight=”154″ imgwidth=”240″ width=”980″ /]